ن لیگ سے کوئی قدم نکالے گا ،وہ چودھری نثار بن جائے گا،احسن اقبال

نارووال(ٹیکسیلا نیوزآن لائن)مسلم لیگ ن کے مرکزی رہنما احسن اقبال نے کہا ہے کہ ن لیگ سے کوئی قدم نکالے گا تووہ چودھری نثار بن جائے گا۔ 

یہ بھی ضرور پڑھیں: چوہدری نثار کی انتہائی اہم پریس کانفرنس ۔۔جانتے ہیں صحافی نے ایسا کیا سوال کیا کہ سابق وزیر داخلہ پریس کانفرنس چھوڑ کر چل دیے 

مسلم لیگ ن کے مرکزی رہنما احسن اقبال نے تقریب سے خطاب کرتے ہوئے کہا کہ جس ن لیگ کو آمر نہیں توڑ سکا اسے آج کون مٹائے گا، مسلم لیگ کے اندر کوئی دراڑنہیں ڈال سکتا،اس فولاد سے جو بھی ٹکرائے گا پاش پاش ہو جائے گا،ن لیگ وہ فولاد بن چکی ہے جسے کاٹنے والا دنیا میں کوئی کٹر نہیں،احسن اقبال کا کہناتھا کہ ن لیگ کی حکومت چودھری نثارکی بات نہ ماننے پرختم نہیں ہوئی،اس قافلے سے کوئی قدم نکالے گا تو وہ چوہدری نثار بن جائے گا،انہوں نے کہا کہ کتنا بھی بڑاپہلوان ہو ن لیگ کے کارکنان ا س کو باہر کردیں گے۔

انہوں نے کہا کہ مسلم لیگ کی تاریخی جدوجہد سے ہی پاکستان بنا،قائد اعظم کا سپاہی نواز شریف نمودار ہوا،انہوں نے کہا کہ مسلم لیگ کو ڈرائنگ روم سے نکال کر پاکستان کی جماعت بنایا،لیگی رہنما کا کہناتھا کہ آمروں کو پتہ تھا پاکستان کو مسلم لیگ کے بغیر نہیں چلایا جا سکتا،مسلم لیگ کو آمروں نے اپنے لئے سب سے بڑاخطرہ سمجھا،انہوںنے کہا کہ مسلم لیگ کو کمزورگیا تو پاکستان دو لخت ہو گیا، 1971کا سانحہ اس کا ثبوت ہے۔

 یہ بھی ضرور پڑھیں: پیپلز پارٹی نے بلوچستان میں مسلم لیگ ن کی حکومت گرا کر غلطی کی تھی :سینیٹر مصطفی نواز کھوکھرنے تسلیم کرلی  ‘‘

احسن اقبال نے کہا کہ مردہ معیشت کو 5سال میں3 سے 5.58فیصد پر لے کر آئے،الیکشن درست ہوتا تو ن لیگ کی حکومت کو کوئی روک نہیں سکتا تھا،سازشوں کے جال بنے گئے ، پی ٹی آئی ہر ضمنی الیکشن ہا ر رہی تھی۔احسن اقبال نے کہا کہ پرویز مشرف ڈالروں کی جنگ لڑتے تھے اور نواز شریف اپنی قوم کی،ورلڈ بینک و آئی ایم ایف کے نمائندے نے معیشت کی تعریف کی تھی۔