جہاں ڈاکٹروں کو صحت کا تحفظ حاصل نہ ہو،وہاں مریضوں کا پرسان حال کون ہوگا،سینٹر سرا ج الحق

کوئٹہ:امیر جماعت اسلامی پاکستان سینٹر سراج الحق نے کہا ہے کہ جہاں ڈاکٹروں کو صحت کا تحفظ حاصل نہ ہو،وہاں مریضوں کا پرسان حال کون ہوگا۔ڈاکٹرز قوم کے محسن،شہداء اور ان کے خاندانوںکو سرکاری سطح پر پذیرائی ملنی چاہئے۔ سرکاری ہسپتالوں میں جگہ نہیں تو حکومت کرونا کے مریضوں کا علاج پرائیویٹ ہسپتالوں سے کرائے ۔

یہ بھی ضرور پڑھیں :جہانگیر ترین، علیم خان کو نوازا لیکن دونوں نے ہمارے ہی بندے توڑے: چودھری پرویز الہیٰ 

عوام کوعلاج کی سہولیات مہیا کرناحکومت کی ذمہ داری ہے۔لوگ اپنے بیماروں کو لیکر کہاں جائیں حکومت کورونا ٹیسٹ مفت کرے اور پرائیویٹ لیبارٹریوں کو ٹیسٹ فیس اور ہسپتالوں کو علاج کے اخراجات مہیا کرے ۔حکومت سنجیدگی کا مظاہرہ کرتے ہوئے بجٹ میں صحت کیلئے زیادہ سے زیادہ فنڈز مختص کرے ۔حکومت کے غیر سنجیدہ رویے نے کورونا کو پھیلنے کا موقع دیا ۔

حکومت خود احتیاط نہیں کرتی اسلئے عوام بھی بے احتیاطی کررہے ہیں جس سے بیماری کو پھیلنے کا موقع مل رہا ہے ۔کورونا وبا میں استعمال ہونے والی ممکنہ ادویات بھی مارکیٹ سے غائب ہوگئی ہیں اور ایک انجکشن بلیک میں تین لاکھ روپے تک مل رہا ہے ۔ حکومتی انتظامات نامکمل اور ناکافی ہیں۔اصل مسئلہ یہ ہے کہ حکومت کا عوام کا اعتماد بالکل ختم ہوکر رہ گیا ہے ۔

ڈاکٹرز ہمارے ہیرو ہیں ہم ان کی خدمات کو خراج تحسین پیش کرتے ہیں جنہوں نے حکومت کے منفی رویہ کے باوجود اپنی قوم کی خدمت کی اور لوگوں کی جانیں بچانے کیلئے اپنی زندگیوں کو خطرے میں ڈال کرکام کرتے رہے۔کورونا ڈیوٹی کرنے والے عملے کو ڈبل تنخواہ دی جائے ۔ ان خیالا ت کا اظہار انہوں نے ذاکراللہ مجاہد اورپاکستان اسلامک میڈیکل ایسوسی ایشن پاکستان کے صدر ڈاکٹر محمد افضل سے ملاقات کے موقع پر گفتگو کرتے ہوئے کیا۔

امیر جماعت اسلامی سینیٹر سراج الحق نے گزشتہ روز کورونا کا شکار ہوکر شہید ہونے والے ایسوسی ایٹ پروفیسر ڈاکٹر حافظ مقصود علی کی رہائش گاہ پر ان کے خاندان سے تعزیت کی اور مرحوم کیلئے بلندئ درجات کی دعا کی۔ سینیٹر سراج الحق نے کہا کہ کنفیوژڈ حکومتی پالیسی کی وجہ سے کرونا میں اضافہ ہوا ہے ۔یہ امربھی قابل افسوس ہے کہ کورونا کے بارے میں اب بھی معاشرے میں شکوک و شبہات پھیلائے جارہے ہیں۔

اب تک ڈیڑھ درجن کے قریب نامور ڈاکٹرز کرونا کی وجہ سے شہید ہوچکے ہیں ۔ملک بھر میں سینکڑوں میل اور فی میل ڈاکٹرزاور پیر ا میڈیکل سٹاف کرونا کا شکار ہوچکے ہیں ۔حکومت نے خود بھی ورلڈ ہیلتھ آرگنائزیشن کی ہدایات پر عمل نہیں کیا۔ورلڈہیلتھ آرگنائزیشن واضح کرچکی ہے کہ کورونا سے وفات پانے والے کی میت سے کورونا نہیں پھیلتا مگر اس کے باوجود انتظامیہ لوگوں کو ان کے پیاروں کی میتیں دے رہی ہے نہ انہیں جنازہ پڑھنے دیا جاتا ہے ۔

حکومت کے اس رویے سے لوگوں کے اندر نفرت پھیل رہی ہے ۔انہوں نے کہا کہ دوسری بیماریوں کے مریضوں کا علاج ہورہا ہے نہ انہیں ہسپتالوں میں داخل کیا جارہا ہے یہ صورتحال انتہائی تشویشناک اور ناقابل برداشت ہے ۔صرف کورونا وارڈ اور آئی سی یو میں پی پی ایز کی فراہمی کافی نہیں ،ہسپتالوں کی ایمرجنسی سمیت تما م وارڈز اور عملے کو پی پی ایز کی فراہمی ضروری ہے ۔

کئی شہروں کے ہسپتالوں میں طبی عملی تربیت یافتہ نہیں ڈاکٹرز کی تنظیموں کے ذریعے غیر تربیت یافتہ عملے کی جنگی بنیادوں پر تربیت کی جائے ۔ سینیٹر سراج الحق نے کہا کہ کرونا وباء کے دوران ڈاکٹروں نے فرنٹ لائن فائٹرز کا کردار اد ا کیا مگر حکومت نے ڈاکٹرز کی حفاظت کیلئے کچھ نہیں کیا،یہی وجہ ہے کہ ملک کئی نامور ڈاکٹروںسے محروم ہوگیا ہے ۔حکومت ڈاکٹروں اور طبی عملے کو حفاظتی لباس (پی پی ایز) اور سامان مہیا کرنے میں ناکام رہی۔

احتساب سے خوف زدہ نہیں،احتساب کا عمل جاری رہنا چاہئے،..، میرے اثاثوں کی تحقیقات بھی 71 سے ہونی چاہئیں...وفاقی وزیرایوی ایشن غلام سرور خان

ٹیکسلا : وفاقی وزیرایوی ایشن غلام سرور خان نے کہا ہے کہ احتساب سے خوف زدہ نہیں،احتساب کا عمل جاری رہنا چاہئے، میرے اثاثوں کی تحقیقات بھی 71 سے ہونی چاہئیں،احتساب کے قوانین میں ترمیم نہیں ہونی چاہیے،حکومتی زعما ء سمیت اپوزیشن کے لوگ بھی اپنے آپ کو احتساب کے لئے پیش کریں، جن لوگوں نے اس ملک کو35 سالوں سے دونوں ہاتھوں سے لوٹا ان کا کڑا احتساب ہونا چاہئے، طیارہ حادثہ تحقیقات انتہائی قلیل وقت میں مکمل کی جائیں گی،ذمہ داروں کے خلاف کاروائی ہوگی،دیگر ممالک کی نسبت پاکستان میں کرونا سے اموات کی شرح کم ہے اضافہ سے بچنے کے لئے حکومتی احکامات پر عمل ناگزیر ہے ۔

میڈیا سے گفتگو کرتے ہوئے وفاقی وزیر غلام سرور خان نے کہا کہ ہماری کوشش ہوگی کی طیارہ حادثہ تحقیقات جلد سے جلد مکمل کی جائیں۔

ضرور پڑھیں: پاکستان نے بھارت کا جاسوس طیارہ مار گرایا

نیب کے حوالے سے اپنے اثاثہ جات کی تحقیقات کے حوالے سے انکا کہنا تھا کہ اسمبلی فلور پر کہا تھا میں نے سیاست کو ہمیشہ خدمت سمجھ کر کیا،دامن صاف ہے ، میری تحقیقات تو 71 سے ہونی چاہئیں کیونکہ میدان سیاست میں ایک عرصہ گزر گیا ہے،انکا کہنا تھا کہ احتساب سے کوئی مبرا نہیں تمام کابینہ کے ممبران ،حکومتی ذمہ داران اعلیٰ سرکاری افسران اور اپوزیشن سے وابستہ افراد کو بھی احتساب ہونا چاہئے،ان کرپٹ لوگوں کو تو کسی صورت نہیں چھوڑنا چاہئے جنہوں نے اس ملک کو 35 سالوں سے لوٹا،انکا کہنا تھا کہ میں اس حق میں ہوں کی احتساب ایک مسلسل عمل ہے،جو ہر صورت جاری رہنا چاہئے،اور اس میں کسی قسم کی ترامیم بھی نہیں ہونی چاہئیں.

ضرور پڑھیں: ترنول ناکے پر فائرنگ سے دو پولیس اہلکار شہید..کالعدم جماعت نے ذمہ داری قبول کر لی

انھوں نے کہا کہ اگر دیکھا جائے تو اس ملک کو سب سے بڑا نقصان ان دو نمبر کاروبار کرنے والوں نے پہنچایا ہے ،احتساب اکراس دی بورڈ جاری رہنا چاہئے، میرا دامن صاف ہے جس نے بھی میرے خلاف اس اشو کو اٹھایا ہے اسے کچھ حاصل ہونے والا نہیں،انکا کہنا تھا کہ علاقہ کی تعمیر و ترقی میں ہمیشہ اپنا کردار ادا کیا، ٹیکسلا چوک تا فاروقیہ روڈ کو دو رویہ کرنے کے میگا پروجیکٹ میں ایک ارب سے زائد رقم صرف ہوگی،تحصیل ہیڈ کوارٹر ہسپتال ٹیکسلا کو اپ گریڈ کیا جارہا ہے، واہ جنرل ہسپتال کو ڈسٹرکٹ ہسپتال کا درجہ دینے کے لئے کوشش جاری ہے،انکا کہنا تھا کہ کرونا وبا کے پھیلاو کو روکنے لے کے لئے شہریوں کو ایس او پیز پر عمل کرنا چاہئے، تاکہ اس وبا سے جلد سب لوگ محفوظ رہیں، سماجی فاصلوں کو ملحوظ خاطر رکھتے ہوئے معمولات زندگی وقت کی اہم ضرورت ہے ۔

وزیراعظم کے منصوبہ برائے فروغ گھریلو مرغبانی کے تحت سماھنی میں اعلیٰ نسل کی 12 ہفتہ عمر کے 6 مرغیوں /مرغوں کے سیٹ کی تقسیم / سپلائی کا باقاعدہ آغاز

سما ہنی ( این این آئی) وزیراعظم پاکستان کے منصوبہ برائے فروغ گھریلو مرغبانی کے تحت تحصیل سماھنی میں اعلیٰ نسل کی 12 ہفتہ عمر کے 6 مرغیوں /مرغوں کے سیٹ کی تقسیم / سپلائی کا باقاعدہ آغاز کیا گیا ۔

پہلے مرحلے میں ہفتہ کو یونین کونسل بنڈالہ اور یونین کونسل سماھنی 86 خواتین و حضرات جنھوں نے بروقت اپنی درخواستیں اور پیسے جمع کر ا رکھے تھے کو مرغیاں دے کر کیا گیا. شوشل ڈسٹنسنگ اور کرونا وباء کے حوالے سے SOPs کا خصوصی خیال رکھتے ہوئے ایک چھوٹی سی تقریب شفا خانہ حیوانات سماھنی میں منعقد کی گئی جس میں ڈاکٹر محمد ایوب ڈسٹرکٹ لاییو سٹاک اینڈ پولٹری ڈویلپمنٹ آفیسر ضلع بھمبر، ڈاکٹر خالد قیوم بٹ اسسٹنٹ ڈائریکٹر انیمل ہیلتھ سروسز ضلع بھمبر اور اسسٹنٹ کمشنر سماھنی حافظ محمد علی نے خصوصی طور پر شرکت کی، ڈاکٹر شاہد اقبال وٹرنری آفیسر توسیع سماھنی نے بطور تحصیل انچارج میزبانی کے فرائض سرانجام دیے، ڈاکٹر مدثر عزیز ویٹرنری آفیسر انیمل ہیلتھ اور سٹاف کے دیگر اہلکاران بھی موجود تھی. ڈاکٹر محمد ایوب اور ڈاکٹر خالد قیوم بٹ نے مرغیاں حاصل کرنے والے افراد کو ان مرغیوں زیادہ سے زیادہ فوائد حاصل کرنے کے طریقوں اور محکمہ لاییو سٹاک آزاد کشمیر کی طرف سے لاییو سٹاک کی بہتری کیلئے کیے جانے والے اقدامات سے آگاہ کیا، ڈاکٹر محمد ایوب نے بتایا کہ آپ کو مہیا کی جانے والی مرغیاں بہت اعلیٰ نسل کی ہیں جو پاکستان میں بھی دستیاب نہیں ہے یہ نسلیں صرف محکمہ لاییو سٹاک آزاد کشمیر پاس ہے، ڈاکٹر شاہد اقبال وٹرنری آفیسر توسیع سماھنی نے وزیراعظم پاکستان کے منصوبہ کے بارے بتاتے ہوئے کہا کہ حکومت مقصد یہ ہے کہ پروٹین جو کہ ہر انسان کی بنیادی ضرورت ہے اور انڈا جس کا بڑا اور آسان سورس ہے لوگ رعایتی قیمت پر مرغیاں حاصل کر کے گھروں پر ان پالیں اور انڈے گھر پر حاصل کریں، اسسٹنٹ کمشنر سماھنی حافظ محمد علی نے اس موقع پر غیر رسمی گفتگو کرتے ہوئے وزیراعظم پاکستان کے اس منصوبے کو سراہتے ہوئے محکمہ لاییو سٹاک آزاد کشمیر کے لاییو سٹاک کی بہتری کیلئے اٹھاے جانے والے اقدامات کو سراہایونین کونسل سماھنی اور بنڈالہ میں مرغیوں کی تقسیم احسن طریقے سے مکمل کی گئی، آیندہ دو تین روز تک باقی تینوں یونین کونسلوں میں مرغیاں تقسیم کی جائیں گی، مزید چار سال یہ منصوبہ جاری رہے گا اور خواہش مند افراد آیندہ درخواست دے کر اس سے مستفید ہو سکتے ہیں۔

ایشیائی ملک کمبوڈیا نے کرونا وائرس کو مکمل طور پر شکست دینے کا اعلان کر دیا

کمبوڈیا : ایشیائی ملک کمبوڈیا نے کرونا وائرس کو مکمل طور پر شکست دینے کا اعلان کر دیا، چین کے قریب واقع ملک میں گزشتہ ایک ماہ کے دوران کرونا کا ایک بھی کیس رپورٹ نہ ہوا، زیر علاج تمام مریض بھی صحتیاب ہوگئے۔ تفصیلات کے مطابق جہاں کرونا وائرس کے باعث اب تک دنیا کے بیشتر ملک شدید متاثر ہوئے ہیں، وہیں کچھ ایسے ممالک بھی ہیں جن کی جانب سے مہلک عالمی وبا کو شکست دینے کا دعویٰ کیا گیا ہے۔

یہ بھی پڑھیئے: کار لفٹر فیقی گینگ کے سرغنہ سمیت 02 ملزمان گرفتار

کچھ روز قبل نیوزی لینڈ نے دعویٰ کیا تھا کہ ملک میں کرونا وائرس پر قابو پا لیا گیا۔ ایسا سخت پابندیاں عائد کرنے کی وجہ سے ممکن ہوا۔ جبکہ اب ایشیائی ملک کمبوڈیا نے بھی دعویٰ کیا ہے کہ ملک میں اب کرونا وائرس کا ایک بھی متاثرہ مریض موجود نہیں۔

کمبوڈیا میں کرونا سے ایک بھی ہلاکت نہ ہوئی۔ جبکہ کل 122 مریض رپورٹ ہوئے تھے، جو سب کے سب صحتیاب ہوگئے ہیں۔

گزشتہ ایک ماہ سے کمبوڈیا میں کرونا کا ایک بھی نیا کیس رپورٹ نہ ہوا۔ تاہم اس کے باوجود کمبوڈیا کی حکومت نے ملک میں عائد لاک ڈاون پابندیوں کو نرم نہ کرنے کا اعلان کیا ہے۔ کہا گیا ہے کہ کرونا وائرس سے متعلق پابندیوں میں نرمی نہیں کی جائے گی، تعلیمی بدستور بند رہیں گے جبکہ سرحدی علاقوں اور قرنطینہ مراکز کی بھی کڑی نگرانی کی جارہی ہے۔

یہاں واضح رہے کہ دنیا بھر میں کرونا وائرس سے متاثرہ افراد کی تعداد 46 لاکھ 28 ہزار 549 جبکہ ہلاکتیں 3 لاکھ 8 ہزار 645 ہو گئیں۔ دنیا بھر میں 25 لاکھ 61 ہزار 865 مریض اب بھی ہسپتالوں میں زیرِ علاج ہیں جن میں سے 45 ہزار 18 کی حالت تشویش ناک ہے جبکہ 17 لاکھ 58 ہزار 39 مریض صحت یاب ہو چکے ہیں۔ امریکہ تاحال کرونا وائرس سے سب سے زیادہ متاثرہ ملک ہے جہاں ناصرف کرونا مریض بلکہ اس سے ہلاکتیں بھی اب تک دنیا کے تمام ممالک میں سب سے زیادہ ہیں۔

امریکہ میں کرونا وائرس سے اب تک 88 ہزار 507 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 14 لاکھ 84 ہزار 285 ہو چکی ہے۔ امریکا کے علاوہ روس، اسپین، اٹلی، برطانیہ، فرانس کرونا وائرس سے سب سے زیادہ متاثر ہونے والے ممالک ہیں۔

وزیراعلیٰ سندھ نے مارکیٹیں کھولنے کا اعلان کردیا

کراچی : وزیراعلیٰ سندھ نے مارکیٹیں کھولنے کا اعلان کردیا ہے۔ وزیراعلیٰ سندھ سید مراد علی شاہ نے کہا ہے کہ سندھ میں شاپنگ مالز کے علاوہ پیر سے تمام مارکیٹیں صبح 6 بجے سے شام 5بجے تک کیلئے کھلیں گی، مارکیٹیں ایس او پی کے تحت کھولی جائیں گی۔ انہوں نے کہا ہے کہ ایس او پی پر عمل درآمد کی ذمہ داری تاجروں پر ہوگی، سماجی فاصلے پر سختی اور خصوصی توجہ دینا ہوگی، اگر کیسز بڑھتے ہیں تو پھر مزید سخت فیصلے لینے پڑیں گے۔

ضرور پڑھیں: حالات ثابت کرتے ہیں وزیراعظم کرپٹ ہیں، شاہد خاقان

انہوں نے کرونا کی تازہ صورت حال سے متعلق کہا کہ سندھ میں کرونا کے 12ہزار مریض ہیں، لاک ڈاؤن سے آپ لوگوں کا کاروبار متاثر ہوا ہے، کراچی میں آبادی زیادہ ہے، یہاں زیادہ کرونا کیسز رپورٹ ہوئے ہیں۔ انہوں نے مزید کہا کہ نماز کے دوران سماجی فاصلے جیسے سخت فیصلے کرنے پڑے، دل دکھتا ہے اتنے سخت فیصلے کرتے ہوئے، مجبوری کے تحت اقدام کیے گئے، گزشتہ روز 11سو کیسز تھے آج بھی 7سو سے زائد کیسز ہیں۔

ذرائع کے مطابق لاک ڈاؤن میں نرمی کے بعد ہفتے میں صرف چار دن کاروبار کی اجازت ہوگی، پیر تا جمعرات مارکیٹیں کھولی جاسکیں گی تاہم جمعہ، ہفتہ اور اتوار کو سخت لاک ڈاؤن ہوگا، بڑے شاپنگ مالز، تعلیمی ادارے، شادی ہالز، سینما، ریستوران بند رہیں گے۔ اس سے قبل وزیراعلیٰ سندھ نے کہا تھا کہ ہم لاک ڈاؤن کے فیز 2 میں جارہے ہیں عوام کی زندگی ان کے اپنے ہاتھ میں ہے، وزیراعلیٰ سندھ سید مراد علی شاہ نے کہا ہے کہ سندھ میں لاک ڈاؤن کے فیز 2 میں جارہے ہیں، احتیاط کی بہت زیادہ ضرورت ہے، لوگ بلا ضرورت گھر سے باہر نہ نکلیں،اگر ضرورت کے تحت باہر نکلیں تو سماجی فاصلہ برقرار رکھیں اور ماسک کو لازمی پہنیں، گھر واپسی پر بزرگوں اور بچوں سے دور رہیں، کوشش کریں آپ بالکل باہر نہ نکلیں کیونکہ آپ کی زندگی سے زیادہ کوئی اور چیز قیمتی نہیں ہے۔

لاک ڈاون کے دوران لاہور میں شہر کی تاریخ کی سب سے بڑی ڈکیتی کی واردات

لاہور : لاک ڈاون کے دوران لاہور میں شہر کی تاریخ کی سب سے بڑی ڈکیتی کی واردات، فیکٹری ایریا کے علاقے میں ڈاکو گھر سے سینتیس 37لاکھ روپے کی نقدی، ستائیس لاکھ روپے مالیت کے امریکی ڈالر، ایک سو تین تولے سمیت ہیرے کے زیورات بھی لوٹ کر فرار ہوگئے۔ نجی ٹی وی چینل کی رپورٹ میں دعویٰ کیا گیا ہے کہ پنجاب کے دارالحکومت لاہور میں کرونا لاک ڈاون کے باوجود شہر کی تاریخ کی سب سے بڑی ڈکیتی کی واردات رونما ہوئی۔

پیر کے روز لاہور کے فیکٹری ایریا کے علاقے علی کالونی میں تین ڈاکو ایک گھر میں داخل ہوئے اور گھر میں موجود سیکورٹی گارڈ سمیت گھر کی تین خواتین کو یرغمال بنا لیا۔ بعد ڈاکو ساڑھے 3 گھنٹے تک گھر میں لوٹ مار کرتے رہے۔ ڈاکووں نے گھروں میں موجود کروڑوں مالیت کی مقامی و امریکی کرنسی اور درجنوں تولے سونا لوٹ لیا اور آرام سے فرار ہوگئے۔

بعد ازاں اطلاع ملنے پر پولیس نے کارروائی کرتے ہوئے گھر میں موجود سیکورٹی گارڈ کو شک کی بنا پر حراست میں لے لیا۔

پولیس کی جانب سے واقعے کی تفتیش کی جا رہی ہے۔ متاثرہ خاندان کا کہنا ہے کہ پولیس نے رابطے کیے جانے کے بعد دیر سے ردعمل دیا۔ شہر میں امن و امان کی صورتحال کے حوالے سے بتایا گیا ہے کہ لاک ڈاؤن کے نفاذ کے بعد سے اب تک شہر میں قتل کی 18 وارداتیں ہوئی ہیں۔ شہریوں کو لوٹنے کی 164 وارداتیں اور گاڑی و موٹر سائیکل چوری کی 312 وارداتیں رپورٹ ہوئیں۔ شہریوں کو کہنا ہے کہ پولیس نے پورے شہر میں جگہ جگہ ناکے لگا رکھے ہیں، اور علاقوں میں گزشت کا سلسلہ بھی جاری رہتا ہے، اس کے باوجود جرائم کی شرح میں کمی نہیں آ رہی۔

بارہ کہو میں قرنطینہ کیے گئے تبلیغی جماعت کے تمام لوگ صحت یاب ہوگئے ہیں: ڈی سی اسلام آباد

اسلام آباد : بارہ کہو میں قرنطینہ کیے گئے تبلیغی جماعت کے تمام لوگ صحت یاب ہوگئے ہیں۔ ڈی سی اسلام آباد حمزہ شفاقت نے کہا ہے کہ بارہ کہو میں قرنطینہ کیے گئے تبلیغی جماعت کے تمام لوگ صحت یاب ہوگئے ہیں اور تبلیغی جماعت کے تمام لوگوں کے ٹیسٹ نیگیٹیو آچکے ہیں جس کے بعد اب کل تک وہ حفاظتی انتظامات کے ساتھ گھر جا سکیں گے۔

ڈپٹی کمشنر اسلام آباد نے کہا ہے کہ کل تک بارہ کہو کھول دیا جائے گا۔

Deputy Commissioner Islamabad@dcislamabad

 · 11h

Replying to @dcislamabad

We have compiled their data and shared with all provinces. If we manage to keep the virus contained till 4th of May, epidemiologists tell me that we will win the first battle. Islamabad plz cooperate with us for 1 more month.

Deputy Commissioner Islamabad@dcislamabad

اور ایک بہت اچھی خبر یہ بھی ہے کی تبلیغی جماعت کے تمام لوگ جو بارہ کہو میں رکھے گئے تھے اب صحت یاب ہو چکے ہیں ۔ سب کے ٹیسٹ نیگیٹیو آ چکے ہیں ۔ انشاء اللہ کل تک وہ حفاظتی انتظامات کے ساتھ گھر جا سکیں گے ۔امید ہے کل تک بارہ کہو کھول دیا جائے گا ۔ اللہ ہم سب کی حفاظت فرمائے

2,688

10:34 PM - Apr 6, 2020

Twitter Ads info and privacy

876 people are talking about this

انہوں نے مزید بتایا کہ اس وقت اسلام آباد میں 82کورونا کیسز موجود ہیں جن میں سے صرف 12مریضوں کو ہسپتال میں رکھا گیا ہے باقی سب مریضوں کی حالت ٹھیک ہے اور وہ اپنے گھروں میں قرنطینہ ہیں۔ دوسری جانب نوشہروفیروز میں تبلیغی جماعت سے تعلق رکھنے والے 22 غیر ملکی افراد کا کرونا ٹیسٹ کروایا گیا، جن میں 3 افراد کا کرونا ٹیسٹ پازیٹو آیا ہے جبکہ 17 کے کیس کی رپورٹ منفی آئی ہے۔

2 کی رپورٹ آنے کا انتظار ہے۔ کرونا پازیٹووالے 3 افراد کو بحریہ کالج کے ہاسٹل میں قائم قرنطینہ مرکز میں رکھا گیا ہے جبکہ باقی 19 مختلف مقامات میں الگ تھلگ رکھے گئے ہیں ۔اس کے علاوہ بھکر میں قائم کئے گئے قرنطینہ سینٹر میں قیام پزیر تبلیغی جماعت کے 49 افراد کے کورونا وائرس کے ٹیسٹ کروائے گئے ہیں جن میں سے چینی شہریت رکھنے والے شخص محمد یوسف کا کورونا وائرس کا ٹیسٹ پازیٹیو آیا ہے جبکہ دیگر 48 افراد کی ٹیسٹ رپورٹس نیگیٹو آئی ہیں۔ڈپٹی کمشنر بھکرآصف علی فرخ نے مزید بتایا ہے کہ کورونا وائرس سے متاثرہ شخص کو ڈی ایچ کیو ہسپتال میں منتقل کردیا گیا ہے ہسپتال کے ماہرین ڈاکٹرز کی جانب سے کی جانیوالی ابتدائی سکریننگ کیمطابق مریض کی حالت مستحکم ہے۔