ٹڈی دل کے حملوں سے خوراک کی قلت اور اربوں روپے نقصان کا خطرہ

اقوام متحدہ کے ادارہ برائے فوڈ اینڈ ایگری کلچر آرگنائزیشن نے خبردار کیا ہے کہ ٹڈی دل کے حالیہ حملوں کے باعث پاکستان میں بڑے پیمانے پر خوراک کی قلت پیدا ہونے کا خدشہ ہے۔

اقوام متحدہ کے ادارے کا کہنا ہے کہ پاکستان کو حالیہ تاریخ میں ٹڈی دل کے بدترین حملوں کا سامنا ہے۔

یہ بھی پڑھیے: ”مچھلی ذبح نہیں کی جاتی، پھر یہ حلال کیسے ہوئی؟“.اس سوال کا جواب مل ہی گیا

ادارے نے خبردار کیا کہ فصلیں تباہ ہونے سے بڑے پیمانے پر خوراک کی قلت پیدا ہونے کا خدشہ ہے۔

فوڈ اینڈ ایگری کلچر آرگنائزیشن نے بتایا کہ پاکستان کو موسم سرما کی فصل میں 393 ارب روپے کا نقصان ہوگا۔

اس کا یہ بھی کہنا تھا کہ موسم گرما کی فصلوں میں مزید451 ارب پاکستانی روپے کا نقصان ہوگا۔،

واضح رہے کہ متاثرہ کسانوں کا کہنا ہے کہ وہ اپنی فصلوں کو ان حملوں سے بچانے کی کوشش کر رہے ہیں۔

دوسری جانب ٹڈی دل کے حملوں کی وجہ سے حکومت نے ملکی سطح پر ایمرجنسی نافذ کی ہے

کراچی کے علاقوں میں نظر آنے والی ٹڈی دل سے کسی نقصان کا اندیشہ نہیں: نیشنل فوڈ سکیورٹی

کراچی : نیشنل فوڈ سکیورٹی کا کہنا ہے کہ کراچی کے علاقوں میں نظر آنے والی ٹڈی دل سے کسی نقصان کا اندیشہ نہیں ہے کیونکہ یہ سندھ کے صحرائی علاقوں سے بلوچستان کے ساحلی علاقوں کی طرف ہجرت کر رہی ہے اور ایسی ہجرت کے دوران وہ فصلوں کو نقصان نہیں پہنچاتی۔

ضرور پڑھیں: نواز شریف نے راونگی سے قبل ہی واپسی کی تاریخ طے کر لی سابق وزیراعظم پیر کی صبح لندن روانہ ہوجائیں گے ، بک کروائے گئے ٹکٹ پر واپسی کی تاریخ 27 نومبر درج

منسٹری آف نیشنل فوڈ سکیورٹی اینڈ ریسرچ کے ڈیپارٹمنٹ آف پلانٹ پروٹیکشن کے ڈائریکٹر محمد طارق خان کے مطابق ٹڈی دل کا مسکن صحرائی علاقہ ہوتا ہے، نمی والی ریتلی زمین جس پر ہریالی ہو اس پر یہ انڈے دیتی ہے اور یہیں سے پروان چڑھتی ہے، پاکستان میں ٹڈی دل کی افزائش نسل کے 2 موسم اور علاقے ہیں ۔

01: بلوچستان کے صحرائی علاقے جن میں ٹڈی دل کی افزائش فروری سے جون کے عرصے میں ہوتی ہے

ضرور پڑھیں: معروف صحافی کی چڑیا نے حکومت کے جانے کے حوالے سے اہم خبر دے دی

02: مون سون سیزن میں جون سے نومبر کے درمیان ٹڈی دل تھرپارکر، نارا اور چولستان کے صحراﺅں میں افزائش پاتی ہے

انہوں نے بتایا کہ کراچی میں نظر آنے والی ٹڈل دل درحقیقت سردی اور مون سون سیزن کے دوران پیدا ہونے والا جتھہ ہے جو سندھ کے صحرائی علاقوں سے بلوچستان کے ساحلی علاقوں کی طرف ہجرت کر رہا ہے۔ٹڈی دل عمومی طور پر دن کے وقت سفر اور رات کے وقت آرام کرتی ہے، ٹڈی دل کی اس طرح کی ہجرت کوئی نقصان نہیں پہنچاتی کیونکہ یہ ہجرت کھانے کی تلاش کیلئے نہیں ہوتی ۔ ٹڈی دل کو کنٹرول کرنے والی ٹیمیں ان پر نظر رکھے ہوئے ہیں اور اگر یہ نقصان پہنچاتی ہے تو اس کو کنٹرول کرنے کیلئے مستعد ہیں۔

ضرور پڑھیں: بھارتی سپریم کورٹ کا بابری مسجدکی زمین ہندوﺅں کو دینے کا حکم 

ڈاکٹر طارق کے مطابق رواں سال ٹڈی دل کے حملے ان تمام ممالک میں ہوئے ہیں جہاں ریتلی زمین موجود ہے، ٹڈی دل نے مغربی افریقہ سے انڈیا تک تباہی مچائی ہے، پاکستان میں مارچ کے مہینے سے اب تک بلوچستان، سندھ اور پنجاب کے ایک لاکھ 10 ہزار ہیکٹر رقبے پر ٹڈی دل کو کنٹرول کرنے والا سپرے کیا گیا ہے جس کے باعث یہ صحرائی علاقوں تک محدود رہی اور زرعی زمینوں کو نقصان نہیں پہنچاسکی۔