جیل کی قید اور اربوں روپے جرمانے کے بعد نواز شریف کیلئے ایک اور سزا سنا دی گئی

سابق وزیر نواز شریف 10 سال تک کسی بھی بینک سے کسی قسم کا قرضہ حاصل نہیں کر سکیں گے، جبکہ ہل میٹل جائیداد بھی حکومت کو تحویل میں لینے کا حکم

 جیل کی قید اور اربوں روپے جرمانے کے بعد نواز شریف کو ایک اور سزا سنا دی گئی، سابق وزیر نواز شریف 10 سال تک کسی بھی بینک سے کسی قسم کا قرضہ حاصل نہیں کر سکیں گے، جبکہ ہل میٹل جائیداد بھی حکومت کو تحویل میں لینے کا حکم۔ تفصیلات کے مطابق احتساب عدالت نے سابق وزیر اعظم محمد نواز شریف کے خلاف فلیگ شپ انوسٹمنٹ اور العزیزیہ ریفرنسز کا محفوظ کردہ فیصلہ سناتے ہوئے انہیں العزیزیہ ریفرنس میں 7 سال قید بامشقت، 25 ملین ڈالر جرمانہ اور دس سال کیلئے نااہلی کی سزا سنادی جبکہ فلیگ شپ انوسٹمنٹ ریفرنس میں سابق وزیر اعظم محمدنواز شریف کو بری کر دیا جس کے بعد کمرہ عدالت میں موجود نیب حکام نے انہیں تحویل میں لے لیا۔

ضرور پڑھیں: ’’ اندھے انتقام کی آخری ہچکی، مگر فتح نواز شریف کی‘‘ : مریم نواز

پیر کی دوپہر کو سنائے گئے فیصلے کی تفصیلات بھی جاری کر دی گئی ہیں۔

سامنے آنے والی تفصیلات میں سابق وزیراعظم نواز کو جیل کی قید، جرمانے، نااہلی اور جائیداد ضبطگی کے علاوہ بھی ایک اور سزا دے دی گئی ہے۔ احتسابعدالت کے تفصیلی فیصلے کے مطابق سابق وزیراعظم نواز اب 10 سال تک کسی بھی بینک سے کسی بھی قسم کا قرضہ بھی حاصل نہیں کر سکیں گے۔