مسلم لیگ ن کے قائد اور سابق وزیر اعظم نواز شریف کو احتساب عدالت سے 7 سال قید کی سزا کے فیصلے پر مریم نواز کا کہنا ہے کہ یہ اندھے انتقام کی آخری ہچکی ہے مگر فتح نواز شریف کی ہے۔
نواز شریف کی صاحبزادی مریم نواز نے اپنے والد کی سزا پر سوشل میڈیا پر اپنا ردعمل دیا ، ان کا کہنا تھا کہ ایک ہی شخص کو چوتھی بار سزا ہوئی ہے۔
ضرور پڑھیں: العزیزیہ اور فلیگ شپ ریفرنس، سابق وزیراعظم نواز شریف کو 7 سال قید اور 25 ملین جرمانے کی سزا سنا دی گئی
مریم نواز نے کہا کہ ڈھائی سال کے طویل انتقام نما احتساب کے بعد، تین نسلیں کھنگالنے کے بعد، ایک پائی کی کرپشن نہ کِک بیک، نہ کمیشن، نہ سرکاری خزانے میں رتی بھر خیانت نہ ملی۔
ان کا مزید کہنا تھا کہ جتنے بھی فیصلے آئے، ان کے مرحوم والد کے ذاتی کاروبار کے حوالے سے آئے۔ اس میں بھی کچھ غلط نہ مل سکا تو مفروضوں پر سزائیں سنائی گئیں۔
ضرور پڑھیں: اڈیالہ جیل حکام کی تیاریاں دھری کی دھری رہ گئیں ، عدالت کا نوازشریف کو کوٹ لکھپت جیل بھیجنے کا حکم
مریم نواز نے کہا کہ آج کے فیصلے نے نواز شریف کی امانت، صداقت اور دیانت پر ایک اور مہر لگا دی ہے۔
کوئی تبصرے نہیں:
ایک تبصرہ شائع کریں