تحریک انصاف کا بڑا یوٹرن، نواز شریف کے بارے میں کون سی ٹویٹ ڈیلیٹ کر دی؟ جان کر آپ کی ہنسی نہ رکے گی

اسلام آباد(مانیٹرنگ ڈیسک) پاکستان کی حکومتی جماعت تحریک انصاف اپنے یوٹرنز کے باعث خاصی شہرت رکھتی ہے۔ اس کے عہدیدار آج ایک بیان دیتے ہیں تو عین اگلے ہی دن اس کے بالکل برعکس بات کر رہے ہوتے ہیں۔ ان دنوں پی ٹی آئی حکومت کا آئی ایم ایف کا دروازہ کھٹکھٹانے کا بہت چرچا ہے۔ تحریک انصاف جو آئی ایم ایف سے قرض لینے پر مسلم لیگ ن اور پیپلزپارٹی کی خاصی درگت بنایا کرتی تھی، اب خود آئی ایم ایف کا دریوزہ گر بننے پر شاید خفت محسوس کر رہی ہے اور ماضی میں اس حوالے سے ن لیگ کے خلاف کی جانے والی ٹویٹس بھی ڈیلیٹ کر رہی ہے۔

یہ بھی ضرور پڑھیں : ملک چندوں سے نہیں ویژن سے چلتے ہیں، وزیر پٹرولیم نے رولز کے خلاف ایک پرائیویٹ کمپنی کو ایل پی جی برآمد کرنے کا ٹھیکہ دیا، چند دنوں میں کروڑوں روپے جیبوں میں جائیں گے، یہی تبدیلی ہے جسکا پرچار موصوف اپنے بیٹے کی انتخابی مہم میں کرتے ہیں،عمران خان جعلی منڈیٹ والے جبکہ نواز شریف پاکستانی عوام کے دلوں کے وزیر اعظم ہیں،حمزہ شہباز کا واہ کینٹ میں  بیرسٹر عقیل ملک کے انتخابی جلسہ سے خطاب

پاکستان ٹوڈے کے مطابق پی ٹی آئی لاہور کے آفیشل ٹوئٹر اکاﺅنٹ سے 7اکتوبر 2015ءکو ایک ٹویٹ کی گئی تھی جس میں میاں نواز شریف کو ہدفِ تنقید بناتے ہوئے لکھا گیا تھا کہ ”ہمارا وزیراعظم آئی ایم ایف سے بھکاریوں کی طرف بھیک مانگتا ہے۔“اب جب تحریک انصاف کی حکومت خود کشکول اٹھا کر آئی ایم ایف کے در پر جا بیٹھی ہے تو پی ٹی آئی لاہورنے یوٹرن لیتے ہوئے اپنے ٹوئٹراکاﺅنٹ سے یہ ٹویٹ بھی ڈیلیٹ کر دی ہے۔