اسلام آباد : مولانافضل الرحمان ہمیشہ سے ہی عمران خان پر تنقید کرتے آئے ہیں لیکن اب تحریک انصاف نے ہی جے یوآئی کے سربراہ کے آگے گھٹنے ٹیک دیے ہیں اور تنقید سے بچنے کے لیے مولانا فضل الرحمان کو منانے کا فیصلہ کرلیا ہے اور اس ضمن میں مرکزی قیادت نے سپیکر قومی اسمبلی اسد قیصر کو ٹاسک سونپ دیا۔
یہ بھی ضرور پڑھیں : ”جی آپ سب سوال کریں پھر میں جواب دیتا ہوں“ اسلم رئیسانی کے کہنے پر تمام صحافیوں نے سوال کر لئے تو انہوں نے کیا جواب دیا؟ صحافیوں کی بھی ایسی ہنسی چھوٹی کہ سوشل میڈیا پر دھوم مچ گئی
نجی ٹی وی چینل 24نیوز کے مطابق قیادت کی طرف سے ذمہ داری سونپے جانے کے بعدعمرہ سے واپس آتے ہی اسد قیصر مولانا فضل الرحمان کی رہائشگاہ اسلام آباد جائینگے جس دوران وہ مولانافضل الرحمان کو اپنے سخت گیر موقف میں نرمی لانے کیلئے قائل کرنے کی کوشش کرینگے۔دوسری جانب جے یو آئی ف نے بھی اسد قیصر کی کوششوں کی پذیرائی کا عندیہ دے دیا ہے۔
واضح رہے کہ ماضی کی دونوں رہنماو ں کی ایک دوسرے پر تنقید کے علاوہ حال ہی میں کوئٹہ میں جلسہ کے دوران مولانافضل الرحمان نے کہا تھا کہ اس حکومت کو ماننے کو دل نہیں کرتا،عمران خان کو وزیر اعظم کہنا کرسی کی توہین ہے۔
کوئی تبصرے نہیں:
ایک تبصرہ شائع کریں