پٹرولیم مصنوعات کی قیمتوں میں اضافہ

وزیر اعظم کی منظوری کے بعد پٹرول 4 روپے اور ہائی اسپیڈ ڈیزل 6 روپے مہنگا کر دیا گی

  وزیر اعظم کی منظوری کے   بعد پٹرولیم مصنوعات کی قیمتوں میں اضافہ کر دیا گیا۔ پٹرول 4 روپے اور ہائی اسپیڈ ڈیزل 6 روپے مہنگا کر دیا گیا۔تفصیلات کے مطابق گذشتہ روز اوگرا نے پٹرولیم مصنوعات کی قیمتوں میں اضافے کی سمری پٹرولیم ڈویژن کو بھجوائی۔ اوگرا کی طرف سے پٹرولیم مصنوعات کی قیمتوں میں 13روپے اضافے کی سفارش کی گئی تھی۔ اوگرا کی سمری کے مطابق یکم نومبر سے پٹرول کی قیمت میں9 روپے فی لیٹر اضافے کی سفارش کی تھی۔

یہ بھی ضرور پڑھیں : کے پی میں صحت کا نظام سندھ سے بھی گیا گزرا ہے، چیف جسٹس

اوگرا کی سمری میں حکومت سے مٹی کے تیل کی قیمت 6 روپے 47 پیسے ، ڈیزل کی قیمتوں میں13روپے، لائٹ ڈیزل کی قیمت میں6 روپے 48 پیسے فی لیٹر اضافے کا امکان بتایا گیا تھا۔ اوگرا نے پٹرولیم مصنوعات کی قیمتوں میں اضافے کی سمری منظوری کیلئے پٹرولیم ڈویژن کو بھجوا دی۔

   آج وزیراعظم عمران خان کی جانب سے پٹرولیم مصنوعات کی قیمتوں میں اضافے کی منظوری دی جانی تھی ۔

اس حوالے سے تازہ ترین خبر یہ ہے کہ پٹرولیم مصنوعات میں 13 روپے فی لٹر اضافے کی بجائے 6 روپے فی لٹر اضافہ کیا گیا ہے ۔وزیر اعظم عمران خان نے پٹرولیم مصنوعات کی قیمتوں میں اضافے کی سمری منظور کر لی ہے۔وزیر اعظم کی منظوری کے بعد  پٹرول 4 روپے اور ہائی اسپیڈ ڈیزل6 روپے مہنگا ہو گیا ہے۔