متحدہ عرب امارات کی تعمیراتی کمپنی ایمار وزیراعظم عمران خان کی جانب سے اعلان کردہ منصوبے کے تحت کم لاگت گھر تعمیر کرنے کیلئے تیار ہوگئی
دنیا کی سب سے بڑی تعمیراتی کمپنی نیا پاکستان ہاوسنگ پراجیکٹ میں سرمایہ کاری کی خواہاں، متحدہ عرب امارات کی تعمیراتی کمپنی ایمار وزیراعظم عمران خان کی جانب سے اعلان کردہ منصوبے کے تحت کم لاگت گھر تعمیر کرنے کیلئے تیار ہوگئی۔ تفصیلات کے مطابق وزیراعظمعمران خان نے عام انتخابات سے قبل اپنی جماعت کا منشور پیش کرتے ہوئے اعلان کیا تھا ملک کے مختلف شہروں میں غریب عوام کیلئے سستے گھر تعمیر کیے جائیں گے۔
وزیراعظم عمران خان نے انتخابات میں کامیابی اور وزارت عظمیٰ کا حلف اٹھانے کے بعد قوم سے کیے گئے اپنے پہلے خطاب کے دوران بھی اعلان کیا کہ حکومتغریب اور کم آمدنی والے افراد کیلئے ملک کے مختلف شہروں میں 50 لاکھ گھر تعمیر کرے گی۔
یہ گھر 5 سال کے عرصے کے دوران تعمیر کرنے کا اعلان کیا گیا۔ حکومت نے اس منصوبے کا نام نیا پاکستان ہاوسنگ پراجیکٹ رکھا۔
تاہم اس حوالے سے ناقدین نے اعتراض کرتےہوئے کہا کہ اس منصوبے کیلئے اربوں ڈالرز سرمائے کی ضرورت ہے، لہذا یہ منصوبہ کبھی تعمیر نہیں ہو پائے گا۔ تاہم اب دنیا کی سب سے بڑی تعمیراتی کمپنی نیا پاکستان ہاوسنگ پراجیکٹ میں سرمایہ کاری کی خواہاں ہے۔ متحدہ عرب امارات کی تعمیراتی کمپنی ایمار وزیراعظم عمران خان کی جانب سے اعلان کردہ منصوبے کے تحت کم لاگت گھر تعمیر کرنے کیلئے تیار ہوگئی ہے۔
ایمار کمپنی کے حکام نے گزشتہ روز متحدہ عرب امارات کے وفد کے ہمراہ پاکستان کے وزیراعظم عمران خان سے خصوصی ملاقات کی تھی۔ اس دوران ایمار کے حکام نے وزیراعظم عمران خان کو بتایا کہ وہ ان کے 50 لاکھ گھروں کی تعمیر کے منصوبے کو بنانے کیلئے تیار ہے۔ اس حوالے سے وزیراعظم عمران خان اپنی کابینہ سے تفصیلی مشاورت کر رہے ہیں۔ مشاورت کے بعد ایمار کو 50 لاکھ گھروں کی تعمیر کا ٹھیکہ دینے یا نہ دینے کا حتمی فیصلہ کیا جائے گا۔ واضح رہے کہ ایمارمتحدہ عرب امارات سمیت دنیا کے کئی ممالک میں حیرت انگیز تعمیری منصوبے مکمل کر چکی ہے۔
کوئی تبصرے نہیں:
ایک تبصرہ شائع کریں