واٹس ایپ کے زیادہ استعمال نے دلہن کی شادی رکوا دی

 

دلہن اپنا زیادہ وقت واٹس ایپ پر گزارتی ہے! دلہے نےعین موقع پر شادی توڑ دی

اتر پردیش (09ستمبر 2018ء) واٹس ایپ نے شادی رکوا دی۔میڈیا رپورٹس کے مطابق واٹس ایپ کا حد سے زیادہ استعمال بھارت میں شادی ٹوٹنے کی وجہ بن گیا، دلہا والوں نے دلہن پر یہ الزام لگا کر شادی عین وقت پر توڑ دی کہ وہ اپنا زیادہ وقت واٹس ایپ پر گزارتی ہے۔ شادی ٹوٹنے کا واقعہ اتر پردیش میں پیش آیا، جہاں لڑکے والوں نے دلہن کے واٹس ایپ کے مسلسل استعمال پر شادی سے انکار کر دیاتھا۔

یہ بھی ضرور پڑھیں : حلقہ این اے 63 ضمنی الیکشن کا دنگل ،ٹکٹ کسے ملے گا لیگی حلقے مخمصے کا شکار،عمر فاروق کی امیدوار بیرسٹر عقیل ملک کے ہمراہ نواز شریف اور مریم نواز سے اڈیالہ جیل میں ملاقات ، ٹکٹ کے لئے پر امید

لڑکی کے والد کا کہنا ہے کہ شادی توڑنے کی وجہ 65 لاکھ روپے کے جہیزکا مطالبہ پورا نہ کرنا تھی۔دلہن والوں نے لڑکے والوں کے خلاف مقدمہ بھی درج کروا دیا ہے۔واضح رہے اس سے قبل بھارت میں ہی واٹس ایپ اور فیس بک کے زیادہ استعمال کرنے کی وجہ سے شوہر نےبیوی کو قتل کر دیا تھا،میڈیا رپورٹس کے مطابق بھارت کے علاقے گروگرام میں 35 سالہ ہاروم نامی شخص کو بیوی کو قتل کرنے کے الزام میں گرفتار کر لیا گیا ۔

ہاروم نے دوران تفتیش بتایا کہ اس کی بیوی واٹس ایپ اور فیس بک پر لوگوں سے بات کرنے میں کئی گھنٹے گزار دیتی تھی۔ ہاروم کا کہنا تھا کہ اس کی لکشمی سے2006 میں شادی ہوئی تھی۔۔شادی کے کچھ سال بہت اچھے گزرے پھر اس نے اپنی بیوی کو سمارٹ فون لے کر دیا۔لیکن میری بیوی نے موبائل کا استعمال بڑھا دیا۔ہاروم نامی شخص کا کہنا ہے کہ لکشمی موبائل کو زیادہ وقت دینے کی وجہ سے مجھے، بچوں اور میرے والدین کو وقت نہیں دے پاتی تھی۔

جس کی وجہ سے اس نے اپنی بیوی لکشمی کو قتل کر دیا۔اور اب واٹس ایپ زیادہ استعمال کرنے والی لڑکی سے متعلق ایک اور خبر سامنے آئی ہے کہ واٹس ایپ نے لڑکی شادی رکوا دی۔ دلہا والوں نے دلہن پر یہ الزام لگا کر شادی عین وقت پر توڑ دی کہ وہ اپنا زیادہ وقت واٹس ایپ پر گزارتی ہے۔