سری نگر: سربراہ کشمیر حریت کانفرنس سید علی گیلانی نے اقوام متحدہ کے جنرل اسمبلی میں ہونے والے اجلاس میں پاکستانی وزیر خارجہ شاہ محمود قریشی کے خطاب کو کشمیری عوام کی امنگوں کی ترجمانی قرار دے دیا۔
یہ بھی ضرور پڑھیں :ادویات کی قیمتوں پر ناجائز منافع،ڈرگ ریگولیٹری اتھارٹی بےبس
نجی ٹی وی چینل” جیونیوز“ کے مطابق سیدعلی گیلانی اقوام متحدہ کے جنرل اسمبلی میں ہونے والے اجلاس میں شاہ محمود قریشی کے خطاب پر رد عمل دیتے ہوئے کہاکہ پاکستان کے وزیرخارجہ نے اقوام متحدہ میں کشمیریوں کی امنگوں کی ترجمانی کی،بھارت مسئلہ کشمیرپراپنی روایتی ضداورہٹ دھرمی پرقائم ہے،شاہ محمودقریشی نے اقوام متحدہ میں جموں وکشمیرکامسئلہ بھرپوراندازمیں اٹھایا،شاہ محمودقریشی نے عالمی برادری کومسئلہ کشمیرکی تاریخ اورصو ر تحا ل سے آگاہ کیا،شاہ محمودنے عالمی سٹیج پرکشمیریوں کابہی خواہ اورمحسن ہونےکاحق اداکیا ہے۔
انہوں نے مزید کہاکہ شاہ محمودنے جنرل سیکریٹری یواین کیساتھ بات چیت میں بھی مسئلہ کشمیرپرزوردیا،مسئلہ کشمیراقوام متحدہ کی قراردادوں کی روشنی میں حل کے مطالبے کوسراہتے ہیں،بھارتی وزیرخارجہ کی جنرل اسمبلی میں تقریرحقائق سے انحراف ہے،بھارتی حکمران فوجی قوت کے غرورمیں مبتلاہوکرحقائق سے منہ چھپاتے پھررہے ہیں،جمہوری ملک ہونے کے دعویدارتاریخی حقائق کوتسلیم کرنےکی ہمت نہیں کرپارہے،اگرپوری دنیاصدیوں تک جھوٹ دہراتی رہے تب بھی وہ سچ میں تبدیل نہیں ہوسکتا۔
کوئی تبصرے نہیں:
ایک تبصرہ شائع کریں