سابق ممبر ضلع کونسل سید دستار شاہ نے کہا ہے کہ لوگوں کا جوق در جوق پی ٹی آئی میں شمولیت اختیار کرنا غلام سرور خان کی قیادت پر اعتماد کا مظہر ہے، ضمنی الیکشن میں پی ٹی آئی کے نامزد امیدوار منصور حیات خان بھاری اکثریت سے کامیاب ہونگے،مسلم لیگ چوں چوں کو مربع بن چکی ہے ، اندرونی اختلافات نے ن لیگ کا شیرازہ بکھیر کر رکھ دیا ہے،ان خیالات کا اظہار انھوں نے میڈیا سے گفتگو کے دوران کیا ،
یہ بھی ضرور پڑھیں :عوام کے خادم بن کر کام کریں گے،موجودہ حکومت عوامی فلاح و بہبود کے لئے انقلابی اقدامات کر رہی ہے ،منصور حیات خان
سید دستار شاہ کا کہنا تھا کہ منصور حیات خان کی طوفانی انتخابی مہم سے مخالفین سخت خوف زدہ ہیں،منصور حیات خان نہ صرف عوامی مسائل کا ادراک رکھتے ہیں بلکہ غلام سرور خان کی تربیت نے ان میں عوامی خدمت کا جذبہ جگایا ہے،امید ہے کہ وہ کامیاب ہوکر علاقہ عوام کی محرومیوں کا ازالہ کرنے میں اپنی توانائیاں صرف کریں گے،عوام حقیقی تبدیلی کے خواہاں ہیں جو صرف پی ٹی آئی کی صورت میں عوام کو میسر آسکتی ہے،انکا کہنا تھا کہ جو لوگ عوام کا ٹیلی فون اٹینڈ کرنا گوارہ نہیں کرتے وہ عوامی خدمت کے دعویدار بنے ہوئے ہیں ،انشا اللہ پی ٹی آئی ملک میں مثبت تبدیلی کا پیش خیمہ ثابت ہوگی، عمران خان کی سوچ اور نیت ملک کو ترقی کی راہ پر گامزن کر کے عوام کو خوشحال بنانا ہے،کوئی کسی غلط فہمی کا شکار نہ رہے جنرل الیکشن میں بھی مسلم لیگ ن کو شکست فاش ہوئی ضمنی الیکشن میں بھی پی ٹی آئی اپنی برتری برقرار رکھے گی ،اب حلقہ میں لولی پاپ کی سیاست نہیں چلے گی ، عوام باشعور ہیں ضمنی الیکشن میں منصور حیات خان کی کامیابی یقینی ہے،
کوئی تبصرے نہیں:
ایک تبصرہ شائع کریں