منصور حیات خان کی سینئر رہنما و کونسلر واہ کنٹونمنٹ بورڈحلقہ نمبر۔5 ملک اظہر نواز المعروف اجی ملک کے رہاش گاہ ’’ملک ہاؤس‘‘ آمد

تحریک انصاف کے نامزد امیدوار برائے قومی اسمبلی منصور حیات خان کی سینئر رہنما و کونسلر واہ کنٹونمنٹ بورڈحلقہ نمبرپانچ ملک اظہر نواز المعروف اجی ملک کے رہاش گاہ ’’ملک ہاؤس‘‘ پر آمد، اس موقع پر واہ کینٹ کے نائب صدر راجہ بلال احمد، راجہ مسعود، ملک عاقب ، نعیم لال، چوہدری بابر ندیم، عقیل احمد سیال، چوہدری احسان، میاں یاسین، مشتاق احمد، جعفر داؤد خان دیگر پارٹی رہنما و پارٹی کارکنوں کی کثیر تعداد موجود تھی،

اس موقع پر ملک اظہر نواز نے کہا اپنے خطاب میں کہا کہ سابقہ الیکشن میں بھی اس حلقہ سے وفاقی وزیر پٹرولیم غلام سرور خان اور  ملک تیمور مسعود اکبر کو پارٹی کارکنوں کے تعاون سے کامیاب کروایا تھا اور سیاسی مخالفین کو دن میں تارے دکھا دیئے تھے اور ان کی ذاتی مفادات کی سیاست کا بوریا بستر گول کر دیا تھا، اس مرتبہ بھی پارٹی کارکنوں میں بہت زیادہ جوش و جذبہ ہے اور وہ اسی جوش و جذبے کے تحت پارٹی کے نامز د امیدوار منصور حیات خان کی الیکشن کمپین میں بڑھ چڑھ کر حصہ لے رہے ہیں،پارٹی کارکنوں کا مورال بلند ہے، انشاء اللہ 14 اکتوبر کو فتح کا تاج منصور حیات کے سر پر عوام کی ووٹ کی پرچی کی طاقت سے رکھیں گے،

یہ بھی ضرور پڑھیں : مصباح الحق نے بچوں کیلئے اسپتال بنانے کا اعلان کردی

امیدوار برائے قومی اسمبلی منصور حیات خان نے کہا کہ وہ ملک اظہر نواز اور ان کے دوستوں اور پارٹی کارکنوں کے جذبات و احساسات کی دلی قدر کرتے ہیں میرے بزرگوں کا واہ کینٹ کی عوام سے جس طرح محض سیاسی نہیں بلکہ بھائی چارے کا رشتہ ہے میں بھی اپنے بزرگوں کے نقش قدم پر چلتے ہوئے آپ لوگوں سے اپنا رشتہ نبھاؤں گا۔ مجھے آپ بھائیوں کے تعاون اور رہنمائی کی ضرورت ہے، آپ میرے قول و فعل میں کبھی تضاد نہیں پائیں گے۔ محض ووٹوں کے حصول کے لیئے آپ سے کوئی ایسا وعدہ نہیں کروں گا جس کو بعد میں میں پورا نہ کر سکوں، خلوص دل سے ہر کام کو کرنے کی کوشش کروں گا، میں حلقہ کی عوام کی خدمت اور سیاست عبادت کا درجہ سمجھ کر کروں گا اور انشاء اللہ پارٹی ورکرز اور حلقہ کی عوام کو کسی بھی صورت میں مایوس نہیں کروں گا، حلقہ کی عوام سب سے بہترین منصف ہیں وہ میرا اور میرے مخالف امیدواروں تقابلی جائزہ لے لیں اور میرے اوران کے نظریات کو اچھی طرح جانچ لیں، عوام جو بھی فیصلہ کریں گے ان کے فیصلے کو کھلے دل سے تسلیم کروں گا، میں نوجوان نسل کا نمائندہ ہوں پاکستان اور حلقہ کی عوام کی خدمت اور ان کے مسائل کے حل کا جذبہ لیکر کر میدان سیاست میں آیا ہوں۔