لاہور: پی آئی سی ہسپتال پر وکلاء کا حملہ، چیف جسٹس نے بھی ردعمل دے دیا، آصف سعید کھوسہ کا کہنا ہے کہ کل جو کچھ لاہور میں ہوا اُس پر ہمیں بہت افسوس ہے، واقعے سے پوری کمیونٹی کو ضرب لگی۔ تفصیلات کے مطابق چیف جسٹس آف پاکستان آصف سعید کھوسہ کی جانب سے پنجاب کارڈیالوجی ہسپتال پر وکلاء کے حملے کے معاملے پر ردعمل دیا گیا ہے۔
یہ بھی ضرور پڑھیں : مشتعل وکلا کا ساتھ دینے پر وزیراعظم کے بھانجے نے اس پر ندامت اور شرمندگی کا اظہار کر دیا
جمعرات کے روز سپریم کورٹ میں مقدمات کی سماعت کے دوران لاہور میں پی آئی سی پر وکلاء کے حملے کا تذکرہ ہوا۔ چیف جسٹس آصف سعید کھوسہ نے کہا کہ کل جو کچھ لاہور میں ہوا اُس پر ہمیں بہت افسوس ہے۔ بلوچستان حکومت کے ملازمین سے متعلق کیس کی سماعت کے دوران چیف جسٹس نے کہا کہ اداروں کو مضبوط کرنا ہے لیکن پی آئی سی واقعے سے پوری کمیونٹی کو ضرب لگی ہے۔
دوسری جانب وکلاء جوائنٹ ایکشن کمیٹی نے کل ملک بھرکی عدالتوں کے بائیکاٹ کا اعلان کردیا ہے۔
یہ بھی ضرور پڑھیں : نائب امیر جماعت اسلامی لیاقت بلوچ حملے میں بال بال بچ گئے انٹرنیشنل اسلامی یونیورسٹی میدان جنگ بن گئی،فائرنگ سے ،ایک طالب علم جاں بحق ، 29زخمی،
وکلاء جوائنٹ ایکشن کمیٹی کے عہدیدران نے پریس کانفرنس کرتے ہوئے کہا کہ وکلاء کے گھروں پر چھاپے مارے جا رہے ہیں، چھاپے مارنے کے اقدام کی مذمت کرتے ہیں۔گرفتار وکلاء پر پولیس تشدد کی بھی مذمت کرتے ہیں، بار کے ارکان نے نامزد چیف جسٹس لاہور ہائیکورٹ سے بھی ملاقات کی، تاکہ معاملے کا کوئی حل نکل سکے۔
کوئی تبصرے نہیں:
ایک تبصرہ شائع کریں