کراچی : سندھ ہائیکورٹ نے پی ائی اے کے سی ای اوایئرمارشل ارشد ملک کو کام کرنے سے روک دیا، پی آئی اے میں نئی بھرتیاں اورملازمین کے تقرر وتبادلے بھی نہیں کیے جاسکتے، پی آئی اے کے ایک کروڑ سے زائد کے اثاثے فروخت نہیں کیے جاسکتے۔
میڈیا رپورٹس کے مطابق سندھ ہائیکورٹ میں پی آئی اے کے سی ای او ایئرمارشل ارشد ملک کی تعیناتی کیخلاف درخواست پرسماعت ہوئی۔
اس موقع پر عدالت نے ایئرمارشل ارشد ملک کو کام کرنے سے روک دیا۔ عدالت نے پی آئی اے میں نئی بھرتیوں، ملازمین کو نکالنے اور ان کے تقرر وتبادلے کرنے سے بھی روک دیا۔عدالتی حکم کے بعد پی آئی اے کے ایک کروڑ سے زائد کے اثاثے فروخت نہیں کیے جاسکتے۔ دوسری جانب پی آئی ای کے چیئرمین ایئرمارشل ارشد ملک کا کہنا ہے کہ عوام جلد ہمارے عملہ کی ٹیم ورک کے مثبت نتائج دیکھیں گے اور پی آئی اے کو ایک منافع بخش قومی ایئرلائن بنایا جائے گا اور اس کی ماضی کی شاندار عظمت بحال کی جائے گی۔
کوئی تبصرے نہیں:
ایک تبصرہ شائع کریں