راولپنڈی ( ٹیکسیلا نیوز آن لائن ): کالعدم تنظیم تحریک طالبان پاکستان نے پراپرٹی ٹائیکون ملک یارض سے 10 ملین ڈالر بھتہ مانگ لیا ہے ۔ڈان نیوز کے مطابق نیشنل کاونٹر ٹیرازم اتھارٹی نے حکومت پنجاب اور سندھ کو ملک ریاض کو ملنے والی دھمکی کے پیش نظر سیکیورٹی کے مضبوط اقدامات اٹھانے کی ہدایت کر دی ہے ۔ذرائع کا کہناہے کہ نیکٹا حکام کو آگاہ کیا گیاہے کہ ٹی ٹی پی کے فنانس ونگ کے سربراہ کی جانب سے ملک ریاض کو ای میل بھیجی گئی ہے جس میں پیسوں کامطالبہ کیا گیاہے ۔ای میل میں بینک اکاﺅنٹ نمبر دیا گیاہے جس میں پیسے بھیجنے کا کہا گیاہے اورپیسے نہ دینے کی صورت میں ملک ریاض اور ان کی فیملی کو سنگین نتائج کی دھمکی دی گئی ہے ۔
یہ بھی ضرور پڑھیں : مجھ سےعمران خان کے لئے این آر اومانگا گیا، رابطہ کرنے والوں کا میں نام نہیں لینا چاہتا: مولانا فضل الرحمان کا دعوی
ای میل موصول ہو نے کے بعد نیکٹا کی جانب سے ایف آئی اے کے ڈائریکٹر جنرل اور صوبائی پولیس کے محکموں سمیت اسلام آباد کے کمشنر کو ہدایت کی گئی ہے کہ وہ فوری طور پر اس معاملے کو دیکھیں اور سیکیورٹی کے انتظامات کریں
کوئی تبصرے نہیں:
ایک تبصرہ شائع کریں