پارلیمنٹ کے اندر سے پارلیمنٹ پر حملہ کیا جارہا ہے، بلاول

پاکستان پیپلز پارٹی کے چیئرمین بلاول بھٹو زرداری نے کہا ہے کہ پارلیمنٹ کے اندر سے پارلیمنٹ پر حملہ کیا جارہا ہے، قانون کے تحت قائمہ کمیٹیوں پر پابندی نہیں لگائی جاسکتی، اسپیکر کو فوری طور پر کمیٹیوں کے اجلاس سے متعلق فیصلہ واپس لینا چاہئے، حکومت کو سمجھنا چاہئے، پارلیمان کو چلانا کوئی کرکٹ میچ نہیں، ایوان کو اسی طرح چلایا گیا تو اپوزيشن کے پاس آپشنز کم ہوتے جائیں گے۔

یہ بھی ضرور پڑھیں : نیب عدالت میں پیش ہوں یا نہ ہوں ! مریم نواز نے عوام سے رائے مانگ لی

چیئرمین پیپلزپارٹی نے اسلام آباد میں پریس کانفرنس کرتے ہوئے کہا کہ اسٹینڈنگ کمیٹی کے بغیر پارلیمان نامکمل ہے، آج جب کمیٹیوں کے اجلاس سےمتعلق نوٹیفکیشن جاری ہوا تو اسپیکر، ڈپٹی اسپیکر بیرون ملک ہیں۔

انہوں نے کہا کہ اگر قومی اسمبلی کی کمیٹیوں کو ختم کرتے ہیں تو خرچہ زیادہ ہوگا کم نہیں، ہم نے کمیٹیوں میں اُن بلز کی تیاری کرنا ہوتی ہے جو ایوان میں پیش کرنے ہوتے ہیں، رولز کے مطابق اسپیکر کمیٹیوں کے اجلاس پر پابندی نہیں لگا سکتے۔

یہ بھی ضرور پڑھیں : اگلے 72گھنٹوں میں مریم نواز پر ایسا وقت آنے والا ہے کہ شریف خاندان آنسو بہائے گا ، عامر لیاقت

بلاول بھٹو زرداری نے مزید کہا کہ یہ تمام اقدامات اس فاشسٹ حکومت کاچہرہ بے نقاب کررہے ہیں، حکومت کو سمجھنا چاہیے ملک اور پارلیمان کو چلانا کوئی کرکٹ میچ نہیں۔

انہوں نے کہا کہ ہماری رائے مختلف ہوسکتی ہے لیکن پارلیمان کو استعمال کرکے ملک کے مفاد میں ایک رائے پر پہنچا جاسکتا ہے، آپ جمہوریت پسندوں کو جذباتی اقدامات اٹھانے پر مجبور کررہے ہیں، آج انسانی حقوق کمیٹی کا اجلاس ہونا تھا جس میں اہم ترین بل پاس کرنے تھے