آٹے کے بحران میں اہم وزیر میاں اسلم اقبال کہیں نہ کہیں شامل ضرور ہیں...چیئرمین پاکستان فلور ملز ایسوسی ایشن عاصم رضا احمد

لاہور : آٹے کے بحران میں اہم وزیر کے ملوث ہونے کا انکشاف، میاں اسلم اقبال آٹے کے بحران میں کہیں نہ کہیں شامل ضرور ہیں، میاں اسلم اقبال نے وزیر اعظم سے کہہ کر میدہ اورپندرہ کلو والے سپیشل آٹے کے تھیلے کو رکوا دیا، تین ماہ سے میاں اسلم کی اس پر نظر تھی، جب بعد ازاں آٹے کا بحران سامنے آیا تو وہ خاموش ہو گئے۔

ضرور پڑھیں: 12866 افراد کو مفت عمرہ کی لالچ دے کر لوٹنے والے گینگ کا ماسڑ مائنڈ قاسم عطاری حمزہ عطاری گرفتار

ایک نجی ٹی وی چینل کو انٹریو دیتے ہوئے چیئرمین پاکستان فلور ملز ایسوسی ایشن عاصم رضا احمد کا کہنا ہے کہ پنجاب کے سابق وزیراطلاعات میاں اسلم اقبال نے وزیر اعظم سے کہہ کر میدہ اورپندرہ کلو والے سپیشل آٹے کے تھیلے کو رکوا دیا، انھوں نے کہا کہ تین ماہ سے میاں اسلم کی اس پر نظر تھی، جب بعد ازاں آٹے کا بحران سامنے آیا تو وہ خاموش ہو گئے، بظاہر ایسا لگتا ہے کہ دال میں کچھ کالا ہے۔

انکا مزید کہنا ہے کہ اس سارے بحران میں میاں اسلم اقبال کا ہاتھ کہیں نہ کہیں موجود ہے۔ یاد رہے کہ اس سے قبل وفاقی وزیر ریلوے شیخ رشید نے آٹے بحران پر نئی منطق پیش کرتے ہوئے کہا تھا کہ آٹے بحران کی وجہ سردیوں میں لوگ زیادہ روٹیاں کھاتے ہیں، آٹا مہنگا ہے، لیکن لوگ نومبر اوردسمبرزیادہ روٹیاں کھاتے ہیں، مہنگائی ختم کرنے کیلئے3 سال کا وقت دیا جائے، ڈیڑھ برس گزر بھی گیا ہے۔