احتساب عدالت نے اسحاق ڈار کئ جائیداد نیلام کرنے کا حکم دے دیا

صوبائی حکومت کو اختیار دے دیا گیا کہ وہ جائیداد فروخت کرے یا اپنے پاس رکھے

اسلام آباد(2اکتوبر۔2018ء) حتساب عدالت نے سابق وزیر خزانہ اسحاق ڈار کی جائیداد نیلامی کے لیے نیب کی درخواست پر فیصلہ محفوظ سنا دیا ہے،عدالت نے سابق وزیر خزانہ اسحاق ڈار کی جائیداد نیلام کرنے کا حکم دیا ہے۔ فیصلہ احتسابعدالت کے جج محمد بشیر نے سنایا۔ عدالت نے سابق وزیر خزانہ کی جائیداد نیلام کرنے کی نیب کی درخواست منظور کر لی ہے۔ احتساب عدالت نے گاڑیاں اور گلبرگ والی جائیداد فروخت کرنے کا حکم دیا ہے جبکہ بینک اکائونٹس کو صوبائی حکومتوں کو اپنی تحویل میں لینے کا حکم دیا ہے۔

گزشتہ روز اسلام آباد کی احتساب عدالت میں اسحاق ڈار کی جائیداد کی نیلامی سے متعلق درخواست پر سماعت ہوئی ، نیب پراسیکیوٹرعمران شفیق کی درخواست پر جج محمد بشیر نے سماعت کی.

احتساب عدالت نے دلائل سننے کے بعد فیصلہ محفوظ کرلیا، احتساب عدالت نے جائیداد کی قرقی کیلئے نوٹس کی تعمیلی رپورٹ مانگ رکھی تھی. 

ضرور پڑھیں:جہانگیر ترین کے اکائونٹس کی تحقیقات کیلئے جے آئی ٹی قائم کی جائے، ناصر حسین شاہ

گزشتہ سماعت پراسحاق ڈار کی جائیدادکی تفصیلات پیش کی گئی تھیں جس کے مطابق ملزم اسحاق ڈار کے دبئی میں تین فلیٹس اور ایک مرسیڈیز گاڑی ہیں جبکہ بیرون ملک تین کمپنیوں میں شراکت بھی ہے. اسحاق ڈار کے گلبرگ لاہور میں ایک گھر اور چار پلاٹس ہیں جبکہ اسلام آباد میں بھی چار پلاٹس ہیں جبکہ اسحاق ڈاراور ان کی اہلیہ کے پاس پاکستان میں تین لینڈکروزر گاڑیاں ہیں.

پیش کی گئی رپورٹ کے مطابق اسحاق ڈار کے پاس دو مرسڈیز اور ایک کرولا گاڑی بھی ہے، اسحاق ڈار اور ان کی اہلیہ کی شراکت میں ٹرسٹس کے لاہور اوراسلام آباد میں بینک اکاﺅنٹس ہیں جبکہ دونوں کی ہجویری ہولڈنگ کمپنی میں 34لاکھ 53 ہزار کی سرمایہ کاری ہے. یاد رہے نیب کی جانب سے درخواست میں کہا گیا تھا کہ اسحاق ڈار جان بوجھ کر عدالتی کارروائی سے مفرور ہیں، ملزم بیماری کا بتا کر بیرون ملک گیا اور وہاں روز مرہ سرگرمیوں میں بھرپور حصہ لے رہا ہے.

دائر درخواست میں استدعا کی گئی کہ اسحاق ڈار کی کچھ جائیداد ضبط کی جا چکی ہے اور کچھ جائیداد اس عدالت کے دائرہ اختیار سے باہر ہے، عدالت اسحاق ڈار کی باقی جائیداد سے متعلق بھی حکم نامہ جاری کرتے ہوئے متعلقہ اضلاع کے ریونیو آفیسرز کو نمائندے مقرر کرے اور قرق جائیداد فروخت کر کےرقم قومی خزانے میں جمع کرائی جائے. خیال رہے قومی احتساب بیورو (نیب) نے اثاثہ جات ریفرنس میں اشتہاری اور مفرور ملزم و سابق وفاقی وزیر خزانہ اسحاق ڈار کو بلیک لسٹ کرتے ہوئے ان کا پاسپورٹ بھی بلاک کردیا تھا جبکہ انٹرپول کے ذریعے لندن سے گرفتار کرکے وطن واپس لانے کے لیے ریڈ وارنٹ بھی جاری کیے ہوئے ہیں.

واضح رہے کہ سابق وزیر خزانہ پاکستان اسحاق ڈار کے خلاف نیب کورٹ میں آمدن سے زائد اثاثوں کا ریفرنس زیر سماعت ہے، اسحاق ڈار 3 مارچ کو سینیٹانتخابات سے قبل طبیعت کی خرابی کے باعث لندن چلے گئے تھے، جس کے بعد تاحال اسحاق ڈار لندن میں ہی مقیم ہے. نیب نے اسحاق ڈار کے خلاف آمدن سے زائد اثاثوں کا ریفرنس احتساب عدالت میں دائر کر رکھا ہے، جس میں انہیں مفرور قرار دیا جاچکا ہے.