نواز شریف کی عبوری ضمانت پر بھنگڑے نہ ڈالیں بلکہ ۔۔۔‘ شہباز شریف نے کارکنوں کیلئے پیغام جاری کردیا

لاہور: پاکستان مسلم لیگ (ن) کے صدر اورقائد حزب اختلاف شہبازشریف نے کہا ہے کہ ہمارے قائد محمد نواز شریف کی صحت خطرے سے باہر نکلنے تک دعاؤں کو ترجیح دی جائے،اس وقت دعاؤں کی اشد ضرورت ہے،دعاؤں کا ہی نتیجہ ہے کہ اللہ تعالیٰ خصوصی کرم فرما رہے ہیں۔

ضرور پڑھیں: سابق وزیراعظم نواز شریف نے میڈیکل بورڈ کو اپنی صحت سے متعلق بیان دینے سے روک دیا نوازشریف اس بات پر ناراض ہیں کہ ان طبی رپورٹس ان سے پہلے میڈیا پر آجاتی ہیں

شہباز شریف نے پارٹی کارکنوں کے نام پیغام اور خصوصی اپیل میں کہا کہ ہمارے قائد محمد نواز شریف کی صحت خطرے سے باہر نکلنے تک دعاؤں کو ترجیح دی جائے، اس وقت دعاؤں کی اشد ضرورت ہے۔انھوں نے کہاکہ دعاؤں کا ہی نتیجہ ہے کہ اللہ تعالیٰ خصوصی کرم فرما رہے ہیں،محمد نواز شریف کو اللہ تعالی صحت کاملہ عطا فرمائے،فی الوقت بھنگڑوں اور مٹھائیوں کے بجائے دعاؤں کی ضرورت ہے،بھنگڑے اور جشن نہ منانے کی درخواست ہے۔