عوام کا اعتماد قابل فخر ہے جسے کبھی فراموش نہیں کر سکتے ،پی ٹی آئی کے امیدوار قومی اسمبلی منصور حیات خان کی بھڑ درگاہی میں کارنر میٹنگ سے خطاب

پاکستان تحریک انصاف کے نامزد امیدوار حلقہ این اے63منصور حیات خان نے کہا ہے کہ ہمارے بزرگوں نے اس حلقے کے عوام کی مشکلات کو حل کیا، آپ لوگوں نے ہمارے خاندان پر ہمیشہ مہربانیاں کیں، جس پر جتنا بھی فخر کیا جائے کم ہے ہم آپ لوگوں کے احسانمند ہیں، مجھے قوی امید ہے کہ جسطرح آپ لوگوں نے پہلے بھی ہمیشہ مہربانی کی اس ضمنی الیکشن میں بھی آپ کی خصوصی نوازشات ہم پر ہونگی، تحریک انصاف پنجاب کونسل کے رکن سید چن شاہ کاظمی نے کہا کہ انشااللہ اب ہماری نہ صرف دوصوبوں میں بلکہ وفاق میں بھی حکومت ہے یہاں کے اداروں اور صنعتوں میں آپ لوگوں کے لئے خصوصی کوٹہ منظور کرائیں گے بجلی گیس کے تمام کام ترجیح بنیادوں پر کرینگے،ان خیالات کا اظہار انھوں نے ممبر کینٹ بورڈ ٹیکسلا ملک عاشق اعوان کے ڈیرے بھڑ درگاہی میں انتخابی کارنر میٹنگ کے دوران کیا ،تقریب سے زیلدار سید ظہیرالحسن شاہ، ایڈووکیٹ سید تجمل حسین شاہ، میز بان تقریب ملک عاشق حسین اعوان، ٹیکسلا کینٹ کے صدر سید سبطین شاہ، ملک آصف، اور محمد علی فضلی نے بھی خطاب کیا جبکہ تقریب میں مولانا شیخ احمد خان فضلی، ملک منور، ملک خالد، یعقوب، امریز خان،ماسٹر ظہیر،امانت مسیح،ملک تاج،صوبیدار سعید،ساجد خان، چوہدری نصیر، اسد علی نقوی، سید عترت حسین شاہ،راجہ محبوب، سمیت ٹیکسلا کینٹ وارڈ نمبر2کے عمائدین کی کثیر تعداد موجود تھی،

یہ بھی ضرور پڑھیں : پولیس نے ڈاکووں کی بجائے پتنگ بازوں کے خلاف کاروائی تیز کردی، دو پتنگ فروش گرفتار قبضہ سے سو پتنگیں برآمد

ملک عاشق حسین کے صاحبزادے نے تمام شرکاء کا شکریہ ادا کیا، سید چن شاہ کاظمی نے کہا کہ عام الیکشن میں بھی ٹیکسلا کینٹ کے عوام نے تحریک انصاف کو بھاری اکثریت سے کامیاب کیا انشااللہ ہمیں یقین ہے کہ ااپ اس ضمنی الیکشن میں اس سے بھی بڑھ کر نتائج دینگے انشااللہ تما م لوگوں کے بلا تفریق ترقیاتی کام ہونگے ،منصور حیات خان نے کہا کہ میں ااپ کو کسی صورت مایوس نہیں کرونگا میں نے کاروبار چھوڑ کر عوامی خدمت کا جذبہ لیکر میں عمل میں نکلا ہوں انشااللہ آپ کی دعاؤں بھرپور تعاون اور اللہ تعالیٰ کے خصوصی فضل و کرم سے جیت کر آپ کی خدمت کے لئے خود کو وقف کر دونگا۔