کیا حکومت اپنے پانچ سال پوری کر سکے گی ؟ اس سوال پر چوہدری نثار نے ایسا جواب دیدیا کہ جس کی کوئی امید بھی نہ کر سکتا تھا

لاہور (   ٹیکسلا نیوز  آن لائن )سابق وزیر داخلہ چوہدری نثار نے لمبے عرصے تک منظر عام سے غائب رہنے کے بعد اب ایک مرتبہ پھر سے سیاست میں اینٹری ماردی ہے اور دبنگ اعلان کرتے ہوئے وزیراعظم عمران خان کو ’مشورہ ‘ بھی دیدیا ہے ۔

یہ بھی ضرور پڑھیں :بدھو گاؤں میں قتل کی دلخراش واردات ،نامعلوم افراد نے ماں بیٹا کو گولیاں مار کر موت کے گھاٹ اتار دیا

 جیونیوز کے پروگرام میں صحافی منیب فاروق نے چوہدری نثار سے سوا ل کیا کہ کیا حکومت اپنی پانچ سال کی مدت پوری کر پائے گی ؟ جس پر سابق وزیر داخلہ نے جواب دیتے ہوئے کہا کہ ” میں عمران خان کو کہوں گا کہ ان کو اس وقت بیٹنگ وکٹ ملی ہے اور وہ سپن لے رہی ہے اور نہ ہی پیس ، بالکل سیدھا کھیلنا ہے اور کھیلیں تو سہی ۔ “ چوہدری نثار کا کہناتھا کہ ” جتنا اچھا ماحول عمران خان کو ملا ہے اتنا ہی اچھا ماحول شائد ق لیگ کو ملا ہے اور شائد اس سے بھی بہتر عمران خان کو وکٹ ملی ہے ، مگر سب سے پہلے اچھی ٹیم میدان میں اتاریں اور یہ بات ذہن سے نکال دیں کہ آپ ڈنڈا لے کر حکومت کر لیں گے “۔

سابق وزیر داخلہ کاکہناتھا کہ میں کہتاہوں کہ احتساب ضرور ہونا چاہیے لیکن اس کیلئے ضروری ہے کہ وہ بلاتفریق ہونا چاہیے ، یہ احتساب نہیں ہے کہ آپ نے اپوزیشن کو رگڑا دیں لیکن آپ نے کے ساتھ جو ہیں ان کو کوئی پوچھے ہی نہیں ، نیب کا قانون جس طرح اپوزیشن پر لاگو ہوتاہے اسی طرح آپ کے لوگوں پر بھی لاگوہو تا ہے ۔