سردار ضطاب اعظم خان ، محمد اعجاز خان کی جانب سے اپنے اعزاز میں دیئے گئے استقبالیہ سے خطاب کرتے ہوئے وفاقی وزیر پٹرولیم غلام سرور خان نے کہ سب سے پہلے تو میں سردار خطاب اعظم اور محمد اعجاز خان کا خصوصی طورپر شکریہ ادا کرتاہوں کہ انھوں نے ہمارے اعزاز میں یہ عشائیہ رکھا اور ہماری عزت افزائی کی اور ہمیں مل بیٹھنے کا موقع فراہم کیا،سچ پوچھیں تو میری اپنی ذاتی خواہش بھی تھی کہ میں وارڈ نمبر۔3 میں خود آکر پارٹی ورکرز کا خصوصی طور پر شکریہ ادا کروں ، جن کی شب و روز انتھک محنت کی وجہ سے جنرل الیکشن میں ہمیں اور ضمنی الیکشن میں نو منتخب ممبر قومی اسمبلی منصور حیات خان کو اس وارڈ سے فتح نصیب ہوئی جس کا پورے کا پورا کریڈٹ پارٹی کے مخلص ورکرز کو جاتا ہے،

انھوں نے کہا کہ یہ بات بھی وارڈ نمبر۔3 کے کارکنوں کے لیئے بہت اعزاز کی بات ہے کہ ضمنی الیکشن میں پورے سٹیٹ ایریا سے سب سے زیادہ لیڈ ہمیں اسی وارڈ سے ملی۔میں پارٹی کارکنان کی عظمت کو سلام پیش کرتا ہوں جنھوں نے ہر آڑے وقت میں ہمارا ساتھ دیا اور ہمارا سر فخر سے بلند کیا، میرا 1985 سے اس حلقہ کی عوام سے سیاسی نہیں بھائی چارے کا جذباتی رشتہ اور یہ رشتہ دونوں طرف سے ایک مضبوط بندھن سے بندھا ہوا ہے، حلقہ کی عوام کے مسائل سے بخوبی آگاہ ہوں میں اور میں ٹیم پارٹی ورکرز اور حلقہ کی عوام کے مسائل حل کرنے میں کوئی بھی کسر نہیں چھوڑیں گے، عوام نے ہمیں اپنا نمائندہ چنا ہے انشاء اللہ کسی بھی موقع پر انکو اپنے انتخاب پر شرمندہ نہیں ہونے دیں گے