پاکستان ریلوے کے اعلیٰ افسر اشفاق خٹک کا کہنا ہے کہ وفاقی وزیر ریلوے شیخ رشید اور ریلوے کے افسر کے درمیان تلخ کلامی ایک میٹنگ کے دوران ہوئی تھی اور ریلوے کے افسر نے بھی شیخ رشید کو شٹ اپ کال دی تھی۔
یہ بھی ضرور پڑھیں :ملکی تاریخ کے پہلے خواجہ سرا لیلیٰ کو ڈرائیونگ لائسنس جاری
نجی ٹی وی کے پروگرام میں گفتگو کرتے ہوئے اشفاق خٹک نے کہا کہ یہ واقعہ اس وقت پیش آیا جب میں سی پیک ریلوے پر بریفنگ دے رہا تھا۔ میری بریفنگ کے دوران شیخ رشید نے کہا کہ یہ رضیہ بٹ کا ناول ہے خٹک صاحب، آگے بڑھیں، اور اس افسر کو یہ بات پسند نہیں آئی۔
وہ بڑا اچھا افسر ہے اور کوالیفائیڈ ہے جبکہ ریلوے میں چیف کمرشل منیجر تھا، اس نے کھڑے ہو کر کہا کہ شیخ صاحب ایسا نہیں ہونا چاہئے جس پر شیخ رشید نے میرے خیال میں انہیں شٹ اپ کال دی جس پر وہ وہاں سے نکل گئے اور اپنی چھٹی کی درخواست دیدی۔
یہ بھی ضرور پڑھیں :کرتار پور کا مسئلہ جادو کی جپھی سے حل ہوا ، حکومت کی مثال پرائی شادی میں عبد اللہ دیوانے کی سی ہے :عظمیٰ بخاری
پروگرام کے میزبان نے سوال کیا کہ کیا اس افسر نے بھی جواب میں شیخ رشید کو شٹ اپ کال دی تھی جس پر اشفاق خٹک نے اثبات میں جواب دیتے ہوئے کہا کہ وہ مجھ سے ذرا دور تھے۔
کوئی تبصرے نہیں:
ایک تبصرہ شائع کریں