موجودہ حکومت کی سو دن کی کارکردگی سابقہ حکمرانوں کی دس سالہ کارکردگی پر بھاری ہے ایم پی اے عمار صدیق خان کی میڈیا سے گفتگو

ممبر صوبائی اسمبلی عمار صدیق خان نے کہا ہے کہ موجودہ حکومت کی سو دن کی کارکردگی سابقہ حکمرانوں کی دس سالہ کارکردگی پر بھاری ہے،جو لوگ آج سو دن میں بہت بڑی تبدیلی کا مطالبہ کر رہے ہیں وہ صرف سابق حکومت کی پانچ سالہ دور حکومت کا ہی موازنہ کر لیں ، جو کام موجودہ حکومت نے سو دن میں کئے وہ سابقہ حکومتیں 35سالوں میں نہ کر سکیں ،ہم نے عوام سے جو جو وعدے کئے تھے ان پر کاربند ہیں انشااللہ بہت جلد موجودہ حکومت کی دورس پالیسیوں کے ثمرات عوام تک پہنچنا شروع ہو جائیں گے

.

یہ بھی ضرور پڑھیں :

  بلاول بھٹو زرداری نہیں بچ پائیں گے کیونکہ۔۔۔“ معروف تجزیہ کار مظہر عباس نے پیپلز پارٹی پر ’بجلیاں‘ گرا دیں

عمار صدیق خان نے کہا میرے والدمحمد صدیق خان (مرحوم) اور میرے تایا جی غلام سرور خان نے سابقہ دور میں اہلیان حلقہ کی بھرپور خدمت کی اور تعمیروترقی و خدمت کے نشانات آج بھی موجود ہیں ،اب ہم نے اس سے بھی بڑھ کر عوام کی خدمت کرنی ہے،ٹیکسلا کی تعمیروترقی کے ساتھ ساتھ عوام کے دیگر مسائل پر بھی کام کر رہے ہیں ،تعلیم اور صحت ہماری اؤلین ترجیحات ہیں ،نوجوانوں کے لئے باعزت روزگار کی فراہمی اور ٹیکسلا کے شہریوں کو سہولیات کی فراہمی میری ترجیحات ہیں،اسکے ساتھ ساتھ جن جن علاقوں میں سوئی گیس اور بجلی کی ضرورت ہے بلا تفریق اس پر بھی کام ہو رہا ہے ہمارے منتخب نمایندگان و کوارڈینیٹر عوامی کمیٹی اس پر دن رات کام کر رہی ہے۔