حنیف عباسی بھی جیل میں بیمار پڑ گئ

حنیف عباسی پولن الرجی میں مبتلا، گلے میں ٹانسلز کی وجہ سے سانس لینے میں شدید تکلیف محسوس کر رہے ہیں، میڈیا رپورٹس

(10 اگست 2018ء) ایفی ڈرین کیس میں قید حنیف عباسیکی جیل میں طبعیت بگڑ گئی۔تفصیلات کے مطابق گذشتہ روز اڈیالہ جیل میں کیپٹن (ر) صفدر کی طبعیت خراب ہو گئی تھی۔تاہم اب ایک اور ن لیگ رہنما جیل میں بیمار پڑ گئے ہیں۔ میڈیا رپورٹس میں بتایا گیا ہے کہ حنیف عباسی پولن الرجی میں مبتلا ہیں۔گلے میں ٹانسلز کی وجہ سے حنیف عباسی کو سانس لینے میں شدید تکلیف محسوس ہو رہی ہے۔

حنیف عباسی کا جیل اسپتال میں علاج کیا جا رہا ہے۔واضح رہے کہ پاکستان مسلم لیگ نکے رہنما حنیف عباسی کوراولپنڈی کی انسداد منشیات کی عدالت نے ایفی ڈرین کیس میں عمر قید کی سزا سنائی تھی ،عدالتی فیصلے میں کہا گیا تھا کہ 363 کلو گرام ایفی ڈرین کا درست استعمال کیا گیا جبکہ ملزم حنیف عباسی باقی ایفی ڈرین کے استعمال کا ثبوت نہ دے سکے۔

ضرور پڑھیں:نوازشریف جیل میں،ن لیگ کا پنجاب میں بڑا مینڈیٹ حیران کن 

ایک رپورٹ میں بتایا گیا تھا کہ ایفیڈرین کیس میں حنیف عباسی کو عمر قید کی سزا سنادی گئی تھی ۔

جس کے بعد حنیف عباسی کو کمرہعدالت سےگرفتار کرلیا گیا تھا ۔اس موقع پر حنیف عباسی کی حمایتیوں اور مسلم لیگ ن کے کارکنان نے ہنگامہ برپا کردیا تھا اورحنیف عباسی کی گرفتاری میں رکاوٹ بن گئے تھے ۔ اس کے علاوہ انہوں نے عدالت میں توڑ پھوڑ شروع کر دی تھی۔اس فیصلے سے مسلم لیگ ن کو بڑا جھٹکا پہنچا تھا۔۔حنیف عباسی این اے60 راولپنڈی سے ن لیگ کے امیدوار تھے جہاں انکا مقابلہ شیخ رشید سے تھا۔

۔۔حنیف عباسی نے 500کلو گرام ایفی ڈرین کا کوٹہ لیا تھا اور ان پر الزام تھا کہ انہوں نے یہ ایفی ڈرین منشیات فروشوں کے ہاتھوں بیچ دیا تھا۔تاہم الیکشن کمیشن آف پاکستان نے حنیف عباسی کی نا اہلی کے بعد ان کے حلقے میں الیکشن کو موخر کر دیا تھا۔اور آج حنیف عباسی سے متعلق خبر سامنے آئی کہ وہ جیل میں بیمار پڑ گئے ہیں۔ان کو اسپتال منتقل کرنے سے متعلق ابھی تک نہیں بتایا گیا۔

)