اسلام آباد : پیپلز پارٹی کے رہنما خور شید شاہ نے کہاہے کہ تمام جماعتوں کے متفقہ صدارتی امیدوار کیلئے اعتزاز احسن کا نام تحریک انصاف نے تجویز کیا تھا اور اس حوالے سے وفاقی وزیر اطلاعات فواد چودھری نے خود خورشید شاہ سے رابطہ کرکے یہ تجویز پیش کی تھی ۔
دنیا نیوز کے مطابق خورشید شاہ نے دعویٰ کیاہے کہ پیپلزپارٹی کے صدارتی امیدوار اعتزاز احسن کا نام تحریک انصاف نے تجویز کیا تھا اور تحریک انصاف نے ہی تمام جماعتوں کے متفقہ صدارتی امیدوار کی تجویز دی تھی ۔ اس حوالے سے وفاقی وزیر اطلاعات فواد چودھری نے پیپلزپارٹی کے رہنما خورشید شاہ سے رابطہ کیا اور اعتزاز احسن کا نام متفقہ صدارتی امیدوار کیلئے فواد چودھری نے ہی طے کیا تھا ، اس موقع پر خورشید شاہ کی جانب سے صدارتی امیدوار کیلئے آصف زرداری کا نام لیا گیا لیکن فواد چودھری کا کہنا تھا کہ اب یہ ممکن نہیں رہا کہ پیپلز پارٹی کوئی دوسر ا نام صدارتی امیدوار کے لئے دے جس پر خورشید شاہ نے اعتزاز احسن کے نام پر فواد چودھری کو یقین دہانی کروائی تھی لیکن جب پیپلزپارٹی کی جانب سے اعتزاز احسن کو نامزد کردیا گیا تو تحریک انصاف نے عارف علوی کواپنے صدارتی امیدوار کیلئے نامزد کردیا۔ ذرائع کے مطابق تحریک انصاف کی جانب سے متفقہ صدارتی امیدوار کیلئے پیپلزپارٹی کے ساتھ دوبارہ کوئی رابطہ نہیں کیاگیا ۔
کوئی تبصرے نہیں:
ایک تبصرہ شائع کریں