ملائشیا نے چین کے ساتھ دو بڑے منصوبوں کے معاہدے منسوخ کر دیے ہیں ۔ ملائشین وزیراعظم مہاتیر محمد نے اعلان کیا ہے کہ وہ ملک میں انفراسٹرکچر کے دو بڑے منصوبے ختم کر رہے ہیں جن چینی کمپنیاں کام کر رہی تھیں ۔ وزیراعظم کے مطابق یہ قرضوں میں ڈوبے ملک کیلئے بہت مہنگے ثابت ہو رہے ہیں اور اس سے ملائشیا کا دیوالیہ نکل سکتا ہے ۔
امریکی اخبار واشنگٹن پوسٹ کے مطابق جن منصوبوں کو ختم کیا گیا ہے وہ چین کے ‘بیلٹ اینڈ روڈ اقدام’ کا حصہ ہیں ۔ واضح رہے کہ بیلٹ اینڈ روڈ منصوبے کے تحت چین پورے براعظم ایشیا اور دنیا بھر تک اپنی مصنوعات سڑک کے ذریعے پہنچانے اور وہاں سے خام مال لانے کیلئے کوشاں ہے ۔
کوئی تبصرے نہیں:
ایک تبصرہ شائع کریں