اسلام آباد : تجزیہ کار سلیم صافی نے کہاہے کہ ملک کواب دونوں فریق جنگ کا میدان بنا رہے ہیں اور جب جنگ شروع ہوجاتی ہے تو اس وقت جنگ اور محبت میں سب کچھ جائز ہوتا ہے ۔ہمیں اس وقت افراد کوچھوڑ کر ملک کی فکر کرنی چاہئے ۔ جیونیوز کے پروگرام ”رپورٹ کارڈ“میں گفتگو کرتے ہوئے سلیم صافی نے کہا کہ عمران خان کوخوش نہیں ہونا چاہئے کہ ایسا بیج بونے میں عمران خان کا کردار بھی ہے ، ہماری توخیر ہے لیکن جو کچھ ہورہا ہے ، وہ ملک کے ساتھ ہورہاہے ۔
یہ بھی ضرور پڑھیں : نواز شریف کے خلاف فیصلہ دینے والے جج کی ویڈیو میں موجود ناصر بٹ کون ہے ؟ فردوس عاشق اعوان نے بڑا دعویٰ کردیا
انہوں نے کہا کہ ایک بندے کی زندگی تباہ کردی ، اس کے پلے 17کلو ہیروئن باندھ دی ، یہ چھوڑ دیں کہ رانا ثناءاللہ کا کردار کیاہے ؟ ان کا اپنا عمل بھی ٹھیک نہیں ہے لیکن اس ملک میں انارکی کا بیج بویا جارہاہے ۔ ان کا کہنا تھا کہ اس ملک کواب دونوں فریق جنگ کا میدان بنا رہے ہیں اور جب جنگ شروع ہوجاتی ہے تو اس وقت جنگ اور محبت میں سب کچھ جائز ہوتا ہے ۔ہمیں اس وقت افراد کوچھوڑ کر ملک کی فکر کرنی چاہئے ۔
کوئی تبصرے نہیں:
ایک تبصرہ شائع کریں