کراچی: پاکستان پیپلز پارٹی کے چیئرمین بلاول بھٹو زرداری نے کہا ہے کہ پاکستان کے آہستہ آہستہ کورونا وائرس سے تباہی کے طرف بڑھنے کا خطرہ ہے جہاں اس سے اموات مغربی ممالک میں اموات کی سطح تک پہنچ گئی ہیں اور خطرناک طور پر کم وسائل والے ہسپتالوں کو وائرس کے خلاف کھڑا کردیا گیا ہے.
کراچی سے ویڈیو کانفرنس کے ذریعے خطاب کرتے ہوئے بلاول بھٹو زرداری نے کہا کہ وبا کے خلاف پاکستان کے اب تک کے ردعمل کو جامع لاک ڈاﺅن کے معاملے پر وفاق کی طرف سے پاﺅں کھینچنے اور صحت کے کمزور نظام میں رقم خرچ کرنے کے لیے تیار دکھائی نہ دینے کے طور پر دیکھا جاسکتا ہے.
پاکستان میں کورونا وائرس کے 5 ہزار 230 کیسز میں سے اب تک 93 اموات ہوچکی ہیں، تاہم ماہرین کو خدشہ ہے یہ 21 کروڑ سے زائد آبادی والے غریب ملک میں یہ کورونا وائرس کا آغاز ہے‘ بلاول نے کہا کہ لوگوں کی سلامتی سے متعلق یقینی طور پر غلط سوچ پائی جاتی ہے اور یہ ہم اس بحران کے آغاز سے ہی دیکھ رہے ہیں.
انہوں نے کہا کہ ہم نے سائنس، حقیقت اور بین الاقوامی سطح پر جو کچھ ہو رہا ہے اسے نظر انداز کرنے کی سوچ دیکھی ہے، جو بروقت اور ضروری اقدامات اٹھانے میں ہمارے راستے کی رکاوٹ ہے. وزیر اعظم عمران خان کو ان کی جانب سے یہ کہنے پر خصوصی طور پر تنقید کا نشانہ بنایا گیا کہ پاکستان اس کی معاشی صورتحال کی وجہ سے پورے ملک میں لاک ڈاﺅن کا متحمل نہیں ہوسکتاتاہم اس کے باوجود صوبوں کے آزادانہ فیصلوں کے باعث ملک میں دی فیکٹو لاک ڈاﺅن ہے، لیکن معیشت کو روز بروز نقصان پہنچنے کی وجہ سے حکام پر پابندیوں میں نرمی کے لیے دباﺅ بڑھتا جارہا ہے.
پاکستان میں کورونا وائرس کا پہلا کیس سندھ میں سامنے آیا تھا جہاں پیپلز پارٹی کی حکومت نے گزشتہ ماہ صوبے میں لاک ڈاﺅن کردیا تھا‘بلاول بھٹو زرداری نے اس حوالے سے کہا کہ صوبے کے صحت کے مشیروں ماہرین تعلیم اور دیگر ماہرین نے ملک بھر میں سخت اقدامات کی سفارش کی تھی‘انہوں نے کہا کہ ہم معیشت کو دوبارہ زندہ کر سکتے ہیں لیکن لوگوں کو زندہ نہیں کر سکتے.
انہوں نے کہا کہ اگر ہم صرف اچھے کی امید رکھیں اور برے کی تیاری نہ کریں تو اس طرح پاکستان آہستہ آہستہ تباہ کن صورتحال کی طرف جارہا ہے اور میں واقعی نتائج سے خوفزدہ ہوں‘چیئرمین پیپلز پارٹی نے ملک کے طبی عملے کے لیے حفاظتی سامان کی کمی، انتہائی نگہداشت کے مریضوں کے لیے بستروں کی قلت اور ملک کے صحت کے نظام کو درپیش دیگر مشکلات کا حوالہ دیتے ہوئے کہا کہ پاکستان میں صورتحال امریکا یا مغربی یورپ سے بھی بدتر ہوسکتی ہے.
کوئی تبصرے نہیں:
ایک تبصرہ شائع کریں