وزیر اطلاعات پنجاب فیاض الحسن چوہان نے پیپلز پارٹی کے صدر کو تنقید کا نشانہ بناتے ہوئے کہا ہے کہ آصف علی زرداری نجومی بننے کے بجائے اپنی کرپشن کا حساب دیں۔سابق صدر آصف علی زرداری نے اپنے ایک بیان میں عمران خان کو حادثاتی وزیراعظم قرار دیتے ہوئے پیش گوئی کی کہ عمران خان 5 سال پورے نہیں کر سکتے۔سابق صدر کے بیان پر ردعمل دیتے ہوئے صوبائی وزیر اطلاعات نے کہا کہ عمران خان کو حادثاتی وزیراعظم کہنے والے زرداری خود بینظیر بھٹو کے حادثے کی بنیاد پر صدر بنے۔انہوں نے کہا کہ پی ٹی آئی کی حکومت پورے تزک و احتشام سے اپنے 5 سال پورے کرے گی۔ان کا کہنا تھا کہ آصف زرداری نجومی بننے کے بجائے اپنی کرپشن کا حساب دیں۔
ضرور پڑھیں: اب لاہور ائیرپورٹ پر شراب اور بئیر بھی مل سکے گی،این او سی جاری کر دیا گیا روک سکو تو روک لو تبدیلی آئی رے
فیاض الحسن چوہان نے کہا کہ جعلی اکانٹس فیصلے پر زرداری، مراد علی شاہ اور بلاول کے پاوں تلے سے زمین سرک گئی ہے۔ان کا کہنا تھا کہ آصف زرداری اور مراد علی شاہ جلسیاں، جلسیاں کھیل کر این آر او کی ناکام کوشش کر رہے ہیں۔پنجاب کے وزیر اطلاعات نے کہا کہ ن لیگ اور پیپلز پارٹی سے دوستانہ کرکٹ میچ تو ہو سکتا ہے لیکن میل ملاپ اور مفاہمت کی سیاست ممکن نہیں۔انہوں نے مزید کہا کہ اپوزیشن کرپشن میں تو تحریک انصاف سے جیت سکتی ہے لیکن کرکٹ میچ میں ہمار ے ساتھ میچ میں نہیں۔
کوئی تبصرے نہیں:
ایک تبصرہ شائع کریں