لاہور: سابق وزیر اعظم نواز شریف کی طبیعت اچانک ناساز ہو گئی انہیں کوٹ لکھپت جیل سے پنجاب انسٹی ٹیوٹ آف کارڈیالوجی (پی آئی سی) منتقل کر دیا گیا۔
ضرور پڑھیں: نواز شریف کا چوہدری نثار سے ملاقات کرنے سے انکار
کوٹ لکھپت جیل حکام سابق وزیر اعظم نواز شریف کو پی آئی سی اسپتال لے کر پہنچے جہاں اُن کا ایمرجنسی میں طبی معائنہ کیا جا رہا ہے۔
ذرائع کے مطابق نواز شریف کی ای سی جی اور ایکو کی جائے گی جب کہ نواز شریف کا کریٹینین معلوم کرنے والا ٹیسٹ بھی کیا جائے گا۔
نواز شریف کو اسپتال منتقل کیے جانے کے حوالے سے ان کی صاحبزادی مریم نواز نے سوشل میڈیا پر بیان جاری کیا تھا۔مریم نواز اور نواز شریف کے معالج ڈاکٹر عدنان نے حکام سے میڈیکل رپورٹس مہیا کرنے کی درخواست بھی کر رکھی ہے۔ تاہم مریم نواز اور ڈاکٹر عدنان کے مطابق انہیں میڈیکل بورڈ کی رپورٹس سے آگاہ نہیں کیا گیا ہے۔
سابق وزیر اعظم نواز شریف کو سپریم کورٹ نے العزیزیہ اسٹیل مل ریفرنس میں جرم ثابت ہونے پر سات سال قید اور جرمانے کی سزا سنا رکھی ہے اور وہ کوٹ لکھپت جیل میں اپنی سزا کاٹ رہے ہیں۔
کوئی تبصرے نہیں:
ایک تبصرہ شائع کریں