تحریک انصاف میں اختلافات کُھل کرسامنے آگئے،رکن قومی اسمبلی کی آڈیو کال لیک ....ایم این اے ہو کر قانونی کام کرانے کیلئے پیسے دینا پڑتے ہیں ، خیبرپختونخوا میں کرپشن ہو رہی ہے

پشاور:  اختلاف کھل کے سامنے آگئے ہیں ۔ رہنما تحریک انصاف ارباب عامر کی آڈیو کال لیگ ہو گئی ۔ تفصیلات کے مطابق پاکستان تحریک انصاف کے رکن قومی اسمبلی کی آڈیو کال منظر عام پر آئی ہے جس میں وہ اپنی ہی حکومت پر تنقید کر رہے ہیں۔ آڈیو کال میں ارباب عامر نے پارٹی رہنماوٴں پر سنگین الزامات لگائے ۔ آڈیو کال میں ارباب عامر نے کہا کہ حکومتی عہدیدار بات نہیں سنتے ۔

فائلوں کو آگے بھیجنے کیلئے پیسے دینا پڑتے ہیں۔ یا جھگڑے کرنا پڑتے ہیں۔ جس منشور پر پاکستان تحریک انصاف اقتدار میں آئیں تھی وہ ریاست مدینہ تھا۔آڈیو کال میں ارباب عامر نے کہا نہ ہی یہاں پر انصاف ہے اور نہ کوئی کام کرنا چاہتا ہے۔ کرپشن پہلے کی ہی طرح ہو رہی ہے۔ ایم این اے ارباب عامر نے آڈیو کال انہیں کی ہونے کی تصدیق کردی۔

نجی چینل سے گفتگو کرتے ہوئے ارباب عامر نے کہا کہ یہ آڈیو میری اپنی آواز میں ہے۔

اس آڈیو کال میں سابق ناظم سے سے گفتگو کی۔ان کا کہنا تھا کہ 85 فیصد کام صوبائی حکومت کے ساتھ ملکر کرنا ہوتے ہیں۔

لوگ جب اپنے مسائل لے کر ہمارے پاس آتے ہیں تو ہم درخواست کو نہیں سنا جاتا جس کے بعد ہمیں لوگوں کا کام کرنے میں مشکلات کا سامنا ہوتا ہے۔ ارباب عامر نے کہا ہے کہ مجھے کسی کی ناراضگی کا ڈر نہیں ہے۔ ہم کرپشن کے خلاف آواز اٹھاتے رہے گے۔ سوکروڑدرخت کا دعویٰ دجھوٹا ہے، 10 کروڑ درخت بھی نہیں لگائے گئے۔ نیب کو چاہیے کہ بی آر ٹی کے پروجیکٹ پر تحقیقات تیز کرے۔ قومی احتساب بیورو کیوں بی آر ٹی پر ایکشن نہیں لیتی ۔ کرپشن کے خلاف کھڑے ہونے کے لئے اکٹھے ہونے جا رہے ہیں ۔