واشنگٹن : امریکہ کا یورپین یونین کے ساتھ ایک ماہ کے لیے تمام سفری رابطے منقطع کرنے کا فیصلہ۔ امریکی صدر کا کہنا ہے کہ کورونا وائرس سے بچنے کی مایوس کن کوشش میں برطانیہ کے علاوہ تمام یورپین ممالک کے ساتھ سفر معطل کر دیں گے۔
تفصیلات کے مطابق امریکی صدر ڈونلڈ ٹرمپ نے یہ اعلان کیا ہے کہ کورونا وائرس سے بچاؤ کی مایوس کن کوشش کے تحت برطانیہ کے علاوہ یورپی ممالک کے ساتھ تمام قسم کے سفری رابطے منقطع کر دیں گے۔
President Trump suspends all travel to US from European countries – except the UK - for 30 days, due to coronavirus bbc.in/33fobRd
غیر ملکی خبر رساں ادارے کے مطابق امریکی صدر نے یورپین یونین کے ساتھ سفری رابطے منقطع کرنے کا فیصلہ کورونا وائرس سے بچاؤ کے حکومتی اقدام کے تحت کیا ہے۔ رپورٹ میں بتایا گیا ہے کہ امریکی صدر یورپین ممالک کے ساتھ سفری رابطے ایک ماہ کے عرصے کے لیے ختم کریں گے جبکہ حیران کن طور پر امریکی صدر نے برطانیہ کو سفری پابندیوں سے استثنیٰ دیا ہے جہاں کورونا وائرس کے 460 کیسز کی تصدیق کی جا چکی ہے۔ واضح رہے کہ مہلک کورونا وائرس سے امریکہ میں اب تک 38 افراد ہلاک ہو چکے ہیں جبکہ وائرس کا شکار1135 افراد زیر علاج ہیں۔
کوئی تبصرے نہیں:
ایک تبصرہ شائع کریں