ادارے حدود سے تجاوز کریں تو ملک کمزور پڑ جاتے ہیں: جسٹس قاضی فائز عیسیٰ

 کراچی: سپریم کورٹ کے جج جسٹس قاضی فائز عیسیٰ کا کہنا ہے کہ ادارے حدود سے تجاوز کریں تو ملک کمزور پڑ جاتے ہیں۔

یہ بھی ضرور پڑھیں : ”تاجرتنظیموں نے 9اکتوبر کو اسلام آباد میں احتجاج کی کال دے دی

 ایکسپریس نیوز کے مطابق کراچی میں تقریب سے خطاب کے دوران جسٹس قاضی فائز عیسیٰ کا کہنا تھا کہ قائد اعظم محمد علی جناح نے یہ واضح کیا تھا کہ پاکستان ایک جمہوری ملک ہوگا، ملک کے آئین میں کہا گیا ہے کہ جمہوریت کو قائم رکھنا ایک فریضہ ہے، جمہوری اصولوں پر گامزن رہنے سے ملکی سالمیت برقرار رہے گی۔ جمہوریت کو نظرانداز کرنے کے نتیجے میں ہم آدھے پاکستان سے محروم ہوچکے۔جسٹس قاضی فائزعیسیٰ کا کہنا تھا کہ مجھ سمیت صدر پاکستان، وزیراعظم، وزرا اور افواج پاکستان کے ہر سپاہی پر آئین اور حلف کی پاسداری لازم ہے۔ تاریخ بتاتی ہے کہ جب ادارے اختیار سے تجاوز کرتے ہیں تو ملک نا صرف کمزور بلکہ ٹوٹ بھی سکتا ہے، عدلیہ کو بھی چاہیے کہ وہ اپنے دائرہ اختیار سے تجاوز نہ کرے۔