کراچی: بلاول بھٹو کو ٹکر دینے کی تیاریاں؟ ذوالفقار علی بھٹو کے پوتے کی اچانک پاکستان آمد، امریکا میں مقیم مرتضیٰ بھٹو کے صاحبزادے ذوالفقار علی بھٹو جونیئر ننگے پاؤں والد کے جائے قتل پر پہنچے اور والد کیلئے دعا بھی کی۔ تفصیلات کے مطابق پیپلز پارٹی کے بانی ذوالفقار علی بھٹو کے پوتے کی اچانک پاکستان آمد ہوئی ہے جس کے بعد سندھ کی سیاست میں ہلچل مچی ہے۔
مرتضیٰ بھٹو کے صاحبزادے ذوالفقار علی بھٹو جونیئر امریکا میں مقیم ہیں اور ایک فنکار ہیں۔ تاہم اب ان کی اچانک پاکستان واپسی سے چہ مگوئیاں کی جا رہی ہیں۔ مرتضیٰ بھٹو کے صاحبزادے ذوالفقار علی بھٹو جونیئر ننگے پاؤں کراچی میں اپنے والد کے جائے قتل پر پہنچے اور والد کیلئے دعا بھی کی۔
یہ بھی ضرور پڑھیں : ”حج میڈیکل پروگرام میں ںبہترین کار کردگی پر ایم ایس سول ہسپتال ٹیکسلا ڈاکٹر سیدہ حوریہ محسن کو ایوارڈ عطا کیا گیا
اس موقع پر مرتضیٰ بھٹو کے چاہنے والوں کی بڑی تعداد بھی موجود تھی۔
ذوالفقار علی بھٹو جونیئر کے اس اقدام کے بعد بحث جاری ہے کہ ممکنہ طور پر وہ پاکستان خاص کر سندھ کی سیاست میں انٹری کیلئے واپس آئے ہیں۔ ذوالفقار علی بھٹو جونیئر کی جانب سے سیاست میں متحرک ہونے سے انہیں بلاول بھٹو کیلئے خطرہ قرار دیا جا رہا ہے۔ تاہم ذوالفقار علی بھٹو جونیئر پاکستان واپس آنے کے بعد سے تاحال کسی قسم کا کوئی سیاسی یا غیر سیاسی بیان جاری نہیں کیا۔
نہ ہی بھٹو خاندان سے ذوالفقار علی بھٹو جونیئر کی پاکستان آمد سے متعلق کوئی بیان جاری کیا گیا ہے۔ واضح رہے کہ ذوالفقار علی بھٹو جونیئر کی سوتیلی بہن فاطمہ بھٹو کافی حد تک سیاسی معاملات کے حوالے سے متحرک رہتی ہیں اور اپنے والد کے قاتلوں کی تلاش کیلئے آواز بلند کرتی رہتی ہیں۔ تاہم یہ پہلا موقع ہے جب ذوالفقار علی بھٹو جونیئر کی سیاست میں انٹری سے متعلق چہ مگوئیاں ہونے لگی ہیں۔
کوئی تبصرے نہیں:
ایک تبصرہ شائع کریں