لاہور : پاکستان عوامی تحریک(پی اے ٹی) کے سربراہ ڈاکٹر طاہر القادری نے سیاست اور سیاسی سرگرمیوں سے کنارہ کشی کا اعلان کر دیا ہے اور پاکستان عوامی تحریک کی سیاسی سرگرمیوں سے بھی ریٹائرمنٹ کا اعلان کرتے ہوئے اپنے تمام تر اختیارات سپریم کونسل کو دیدئیے ہیں۔
یہ بھی ضرور پڑھیں : نوازشریف حکومت سے کوئی ڈیل نہیں کرے گا..رانا ثناء اللہ
پریس کانفرنس سے خطاب کرتے ہوئے ڈاکٹر طاہر القادری نے کہا کہ میں پاکستان کی سیاست سے ریٹائرمنٹ کا اعلان کرتا ہوں۔ پارلیمنٹ کا حصہ بن کر سب کچھ خود آنکھوں سے دیکھا۔ ہم نے کرپشن کے خلاف عوامی شعور پیدا کرنے میں اہم کردار ادا کیا۔
یہ بھی ضرور پڑھیں : ٹرمپ احتیاط برتنا کیونکہ افغانستان تمہارے لیے قبرستان ثابت ہو گا تمہیں پتا نہیں ہے کہ تم کس قوم سے الجھ رہے ہیں، طالبان
ڈاکٹر طاہر القادری نے منہاج القرآن کی چیئرمین شپ بھی چھوڑنے کا اعلان کر دیا ہے۔ اُن کا کہنا ہے کہ مجھے تصنیف و تالیف کے بے پناہ کام اور صحت کے مسائل ہیں جس کی وجہ سے میں سیاست اور پاکستان عوامی تحریک کی سیاسی سرگرمیاں چھوڑ رہا ہوں۔ یاد رہے کہ ڈاکٹر طاہر القادری نے عام انتخابات 2018ء سے قبل ہی عملی سیاست سے کنارہ کشی اختیار کرنے کا اعلان کر دیا تھا۔
23 جون 2018ء کو پاکستان عوامی تحریک کے سربراہ ڈاکٹر طاہر القادری نے اعلان کرتے ہوئے کہا تھا کہ پارٹی کوئی کارکن اور عہدیدار الیکشن 2018ء میں حصہ نہیں لے گا۔ الیکشن کے بعد قوم میں مایوسی پھیلنے والی ہے، لہٰذا الیکشن میں حصہ لینا ہماری جدوجہدکی موت ہے۔ انہوں نے کہا کہ آج تک اس ملک میں کرپشن کے خلاف جنگ نہیں ہوئی، ملک میں پہلے سے زیادہ مایوس کن صورت حال پیدا کی گئی۔
کوئی تبصرے نہیں:
ایک تبصرہ شائع کریں