ملتان ( ٹیکسیلا نیوز) جنوبی پنجاب کے سب سے بڑے شفاخانے نشتر ہسپتال سے ایک اور جعلی ڈاکٹر پکڑا گیا۔
ذرائع کا کہنا ہے کہ نشتر ہسپتال ملتان سے جاوید نامی جعلی ڈاکٹرپکڑا گیا ہے جسے پولیس کے حوالے کردیا گیا ہے۔ نشتر ہسپتال سے گزشتہ کچھ دنوں کے دوران 7 جعلی ڈاکٹرز پکڑے جاچکے ہیں۔
دو روز قبل بھی نشتر ہسپتال کی ایمرجنسی سے جعلی ڈاکٹر کو رات کو گرفتار کیا گیا تھا۔ نجی کلینک کا ملازم خود کو ڈاکٹر ظاہر کر کے مریضوں کا علاج کرتا رہا لیکن کسی کو پتہ تک نہ چلا۔جعلی ڈاکٹر کی شناخت محمد سہیل کے نام سے ہوئی ۔ جعلی ڈاکٹر مریضوں کے لواحقین سے ٹیسٹ کرانے کی مد میں پیسے بھی بٹورتا رہا ہے۔
ضرور پڑھیں: کویت: دُلہن نے نکاح کے تین منٹ بعد ہی طلاق مانگ لی
اس سے قبل بھی ایک ڈاکٹر پکڑا گیا تھا ۔ اس ڈاکٹر کی محبوبہ نرس تھی اور اسی نے اپنی آنکھوں کی ٹھنڈک کو آنکھوں کے سامنے رکھنے کیلئے اسے ڈاکٹر بنایا ہوا تھا۔
کوئی تبصرے نہیں:
ایک تبصرہ شائع کریں