مسلم لیگ ن کے رہنما اور سابق وزیر مملکت برائے داخلہ فواد چوہدری نے کہا ہے کہ حکمراں جماعت کے رہنما اپوزیشن پر ڈیم کو متنازعہ بنانے کا الزام تو لگا رہے ہیں لیکن اپنے وزیراعظم کے مشیر رزاق داﺅد کو عہدے سے علیحدہ کر کے ڈیم کو متنازعہ بنانے سے نہیں روک رہے ۔ان کا کہنا تھا کہ ٹرانسپرنسی انٹرنیشنل نے اس کنٹریکٹ کے حو الے سے سوالات اٹھاتے ہوئے وزیراعظم آفس ،چیئر مین نیب ،سپریم کورٹ اور چیئر مین پی اے سی کو خط لکھا ہے ،اس معاملے پر اگر کسی ادارے نے نوٹس نہ لیا تو چیئر مین پی اے سی شہباز شریف اس معاملے پر لازمی طور پر نوٹس لیں گے ۔
نجی نیوز چینل جیو نیوز کے پروگرام ”نیا پاکستان“میں گفتگو کرتے ہوئے طلال چوہدری نے کہا کہ یہ معیار عمران خان نے خود طے کیے ہیں اور وہ اب ان اصولوں پر پورا نہیں اتر رہے ،یہ دوہرا معیار ہے کیونکہ شیخ رشید نے ایل این جی کے ٹھیکے پر شاہد خاقان عباسی کے خلاف درخواست دی تھی اور دوسری جانب رزاق داﺅد عہدہ رکھنے کے باوجود ٹھیکہ حاصل کر رہا ہے ۔انہوں نے کہا کہ رزاق داﺅد کی کمپنی بہت اچھی ہے لیکن عہدے سے علیحدہ ہو جانا چاہیے کیو نکہ وہ کاروبار سے علیحدہ نہیں ہوسکتے ،کاروبار ان کا اوڑھنا بچھونا ہے ،رزاق داﺅد نے مشرف دور میں بھی وزارت لے کر بہت سے فائدے حاصل کیے جن کے کیسز بھی نیب میں چلے ۔
کوئی تبصرے نہیں:
ایک تبصرہ شائع کریں