پاکستان پیپلز پارٹی کے چیئرمین بلاول بھٹو زرداری کا کہنا ہے کہ حکمران سمجھتے ہیں جس دن وہ جھوٹ نہ بولیں اس دن حکومت گِر جائے گی۔
پیپلزپارٹی کے چیئرمین بلاول بھٹو زرداری نے قمرزمان کائرہ کے رشتہ داروں کی زمینوں پر قبضے کی شدید مذمت کرتے ہوئے کہا کہ غیرقانونی قبضہ ختم اورذمہ داران کے خلاف کارروائی کی جائے جب کہ یہ کیسی تبدیلی ہے، حزبِ اختلاف کے کسی رہنما کا رشتہ دار ہونا بھی جرم ہوگیا، اقتدار کے بھوکے ٹولے کو کھلی چھوٹ دے کراداروں نے کردار پرسوالیہ نشان لگوادیا۔
یہ بھی ضرور پڑھیں: فیصلہ کن قوتوں کونوازشریف اورآصف زرداری قبول نہیں. وزیر خارجہ کے بیان نے پاکستانی سیاست کو ہلا کر رکھ دیا
بلاول بھٹو زرداری کا کہنا تھا کہ تحریک انصاف مخالفین کے خلاف غنڈہ گردی پراُتر آئی ہے، نااہل حکمران ناکامیوں کی پردہ پوشی کی خاطر حزبِ اختلاف کوروندنا چاہتے ہیں، حکمران سمجھتے ہیں جس دن وہ جھوٹ نہ بولیں اس دن حکومت گِر جائے گی، عوام جھوٹے وعدوں اوردعووں کی بھول بھلیوں میں گُم ہونے والے نہیں، عیاری و مکاری سے اقتدارمیں آنا ممکن لیکن نظریئے وویژن کے بغیرقوم کو بلندی کی طرف لے جانا ناممکن ہے۔
یہ بھی ضرور پڑھیں: واہ کینٹ ٹیکسلا پی ٹی آئی کے شاہد بٹ صاحب کے بھتیجے جو روڈ ایکسیڈنٹ میں شدید زخمی حالت میں ہسپتال میں زیر علاج تھے انتقال کر گئے ہیں.
کوئی تبصرے نہیں:
ایک تبصرہ شائع کریں