سلام آباد(ڈیلی پاکستان آن لائن)سپیکر قومی اسمبلی کےلئے تحریک انصاف کی جانب سے اسد قیصر اور ہم خیال جماعتوں کے امیدوارخورشید شاہ نے کاغذات نامزدگی جمع کرادیئے۔
تحریک انصاف کی جانب سے سپیکر قومی اسمبلی کےلئے اسد قیصر اور ڈپٹی سپیکر کےلئے قاسم سوری نے اپنے کاغذات نامزدگی سیکرٹری قومی اسمبلی کے پاس جمع کرادیئے۔
ضرور پڑھیں:بکرا خرید کر جعلی پیسے دینے والوں کے عتاب کے شکار اس بچے کو تو آپ جانتے ہوں گے، اس کی روتے ہوئے ویڈیو سامنے آئی تو اقراءیونیورسٹی کے طالب علموں نے ایسا کام کر دیا کہ ہر پاکستانی کا سر فخر سے بلند ہو گیا
پیپلز پارٹی کے رہنما خورشید شاہ بھی پارٹی رہنماﺅں کے ہمراہ پارلیمنٹ ہاوس پہنچے جہاں انہوں نے سپیکر قومی اسمبلی کےلئے اپنے کاغذات نامزدگی جمع کرائے، وہ متحدہ اپوزیشن کے نامزد امیدوار ہیں۔
ڈپٹی سپیکر کےلئے اپوزیشن کے مشترکہ امیدوار سعد محمود نے بھی کاغذات نامزدگی جمع کرائے۔سیکرٹری قومی اسمبلی نے خورشید شاہ کے کاغذات نامزدگی وصول کئے اس موقع پر دونوں کے درمیان دلچسپ مکالمہ بھی ہوا۔
سیکرٹری قومی اسمبلی کا کہنا تھا کہ آپ کے آنے سے پہلے ہم بلا مقابلہ انتخاب کا طریقہ دیکھ رہے تھے جس پر خورشید شاہ نے مسکراتے ہوئے کہا کہ یہ تو میرے خلاف سازش تھی۔
سپیکر قومی اسمبلی کےلئے خورشید شاہ کے تجویز کنندگان میں ان کے دیرینہ دوست سید نوید قمر، رمیش لعل، شازیہ ثوبیہ، مسرت مہیسر اور شاہدہ رحمانی شامل ہیں۔
امکان ظاہر کیا جارہا ہے کہ سپیکر شپ کےلئے پی ٹی آئی کے اسد قیصر اور متحدہ اپوزیشن کے خورشید شاہ کے درمیان کانٹے کا مقابلہ ہوگا۔
ضرور پڑھیں:وزیراعظم بننے سے قبل عمران خان کو پاکستان کی تاریخ کا بہترین تحفہ جناح کیپ پیش کردی گئی
یاد رہے کہ کل ہونے والے قومی اسمبلی کے اجلاس کے دوران خفیہ رائے شماری کے ذریعے سپیکر و ڈپٹی سپیکر کا انتخاب عمل میں لایا جائے گا۔
کوئی تبصرے نہیں:
ایک تبصرہ شائع کریں