حلف برداری کی تقریب ایوان صدر میں منعقد ہوئی
تقریب میں شرکت کیلئے عمران خان کے بھارتی دوست نوجوت سنگھ سدھو خصوصی طور پر پاکستان تشریف لائے ہیں، ان کے علاوہ ورلڈ کپ جیتنے والی قومی ٹیم کے ہیروز کے ساتھ ساتھ تحریک انصاف کور گروپ کے تمام اراکین کو بھی تقریب میں موجود تھے۔
عمران خان نے سیاہ رنگ کی شیروانی پہن کر وزیر اعظم پاکستان کے عہدے کا حلف لیا۔تقریب میں غیر ملکی سفیر بھی شریک ہیں، حلف برداری کے بعد نو منتخب وزیر اعظم کو گارڈ آف آنر بھی پیش کیا گیا۔
حلف برداری سے پہلے قومی ترانہ بجایا جائے گا جس کے بعد کابینہ سیکریٹری نے صدر مملکت ممنون حسین سے تقریب شروع کرنےکی اجازت طلب کی۔
تقریب حلف برداری کا آغاز تلاوت کلام پاک سے ہوا جس کے بعد صدر مملکت ممنون حسین نے نومنتخب وزیراعظم عمران خان سے اُن کے عہدے کا حلف لیا۔حلف برداری کے بعد وزیراعظم نے حلف کی دستاویز پر دستخط کیے۔واضح رہے کہ عمران خان 22 سالہ سیاسی جدوجہد کے بعد وزارت عظمیٰ تک پہنچے ہیں، انہوں نے گزشتہ روز قومی اسمبلی میں ہونے والے لیڈر آف دی ہاؤس کے انتخاب میں شہباز شریف کے 96 ووٹوں کے مقابلے میں 176 ووٹ حاصل کیے تھے۔
کوئی تبصرے نہیں:
ایک تبصرہ شائع کریں