کیپٹن (ر) صفدر جو چیز کھاتے یا پیتے ہیں الٹی کر دیتے ہیں ،ْ معدے کی گنجائش کم کرانے کیلئے آپریشن کی وجہ سے کیپٹن صفدر کو تکلیف ہے ،ْذرائع
راولپنڈی( 09 اگست2018ء) راولپنڈی کی اڈیالہ جیل میں سابق وزیراعظم نواز شریف کے داماد کیپٹن (ر) صفدر کی طبیعت بگڑ گئی۔ایون فیلڈ ریفرنس میں سزا پانے والے سابق وزیراعظم نواز شریف کے داماد کیپٹن (ر) صفدر کی اڈیالہ جیلمیں طبیعت بگڑ گئی.
جیل ذرائع کے مطابق کیپٹن (ر) صفدر جو چیز کھاتے یا پیتے ہیں الٹی کر دیتے ہیں ،ْ معدے کی گنجائش کم کرانے کیلئے آپریشن کی وجہ سے کیپٹن صفدر کو تکلیف ہے جس کے باعث انہیں ہسپتال منتقل کیے جانے کا امکان ہے۔
یاد رہے کہ اس سے قبل سابق وزیراعظم میاں نواز شریف کی بھی اڈیالہ جیل میں طبیعت بگڑ گئی تھی جس کے بعد انہیں پمز ہسپتال منتقل کیا گیا تھا۔ ڈاکٹروں کی جانب سے نواز شریف کا بلڈ ٹیسٹ کیا گیا تو ان کے خون میں کلاٹس کی نشاندہی ہوئی، جس کے باعث ان کے خون کی روانی متاثر ہوگئی اور دونوں بازوں میں شدید درد اٹھا جبکہ ای سی جی بھی غیرتسلی بخش آئی تھی۔واضح رہے کہ احتساب عدالت نے سابق وزیراعظم نواز شریف،، مریم نواز اور کیپٹن (ر) صفدر کو ایون فیلڈ ریفرنس میں سزا سنائی تھی۔ عدالت نے نواز شریف کو 10 سال قید بامشقت اور 80 لاکھ برطانوی پاؤنڈ جرمانہ،، مریم نواز کو 7 سال قید اور 20 لاکھ پاؤنڈ جرمانہ جب کہ کیپٹن ریٹائرڈ صفدر کو ایک سال قید کی سزا سنائی۔
کوئی تبصرے نہیں:
ایک تبصرہ شائع کریں