پاکستان کی سب سے کم عمر پارلیمینٹیرین نے پنجاب اسمبلی میں حلف اٹھا لی

ثانیہ عاشق کا تعلق مسلم لیگ(ن) سے ہے، ثانیہ کی سیٹ سے ن لیگ کا نوجوانوں کی جماعت ہونے کا دعویٰ

پاکستان کی سب سے کم عمر پارلیمینٹیرین نے پنجاب اسمبلی میں حلف اٹھا لیا، ثانیہ عاشق کا تعلق مسلم لیگ(ن) سے ہے، ثانیہ کی سیٹ سے ن لیگ کا نوجوانوں کی جماعت ہونے کا دعویٰ۔ تفصیلات کے مطابق پاکستان میں 25 جولائی کو ہونے والے عام انتخابات میں کئی بڑے بڑے برج الٹ گئے۔ 25 جولائی کو ہونے والے عام انتخابات میں بہت بڑی تعداد میں نئے چہرے منتخب ہو کر سامنے آئے۔

ضرور پڑھیں:عابد شیر علی کی بطور وزیراعظم عمران خان کی رہائش گاہ کا فیصلہ نہ ہونے پر دلچسپ تنقید

25 جولائی کے انتخابات میں منتخب ہونے والے نئے چہروں میں زیادہ تعداد نوجوانوں کی رہی۔ تحریک انصاف کا دعویٰ ہے کہ وہ نوجوانوں کی نمائندہ جماعت ہے اور اسی نے سب سے زیادہ نوجوانوں کو پارلیمنٹ تک پہنچایا ہے۔ تاہم دوسری جانب ن لیگ نے ایک منفرد اعزاز اپنے نام کر لیا ہے۔ مسلم لیگ ن کی ثانیہ عاشق نےپاکستان کی سب سے کم عمر پارلیمینٹیرین ہونے کا اعزاز حاصل کر لیا ہے۔ ثانیہ عاشق کا تعلق مسلم لیگ(ن) سے ہے۔ ثانیہ عاشق نے بدھ کے روز پنجاب اسمبلی میں اپنی رکنیت کا حلف لیا۔ ثانیہ کی سیٹ سے ن لیگ نے نوجوانوں کی جماعت ہونے کا دعویٰ کیا ہے۔