راولپنڈی: پاکستان تحریک انصاف کے ایم پی اے اعجاز خان جازی اپنی ہی حکومت کے خلاف پھٹ پڑے۔ انکی ایک وڈیو منظرعام پر آئی ہے جس میں وہ اپنے حلقے کے لوگوں سے بات کرتے ہوئے کہہ رہے تھے کہ ہماری حکومت کے دوران کسی کو ہسپتال سے 400 روپے کی دوائی نہیں ملتی۔ انہوں نے بتایا کہ حکومت نے ہیلتھ کارڈ کا اعلان کیا ہے اللہ کرے کہ یہ بن جائیں۔
اعجاز خان جازی کے حلقے کے لوگ ان کے پاس پولیس کے خلاف شکایت لے کر آئے تھے کہ تھانے میں ان کے کام نہیں ہوتے تو انہوں نے اپنے حلقے کے لوگوں کو بتایا کہ ہمارے حلقے میں جرائم بہت بڑھ چکے ہیں، اپنی ہی حکومت کے خلاف شکایت کرتے ہوئے انہوں نے کہا راولپنڈی میں تبدیلی یہ آئی ہے کہ سی پی او 5 لاکھ روپے ایس ایچ او تعینات کرنے کے لیتا ہے۔
یہ بھی ضرور پڑھیں : شہریوں سے اربوں روپے لوٹنے والے مضاربہ سکینڈل کے مرکزی ملزم عبداللہ شوکت کو یو اے ای سے گرفتار کر لیا گیا
انکا کہنا تھا کہ راولپنڈی میں ایس ایچ او 3 لاکھ روپے منتھلی لیتا ہے۔
اعجاز خان جازی نے اپنے حلقہ کے لوگوں کو بتایا کہ میرا فون 2 مہینے شرمندگی کی وجہ سے بند رہا، لوگ اپنے کام کیلئے کال کرتے تھے اور ہمارے کام نہیں ہوتے۔ انہوں نے کہا کہ پارٹی کا جھنڈا انصاف کی خاطر اٹھایا تھا لیکن انصاف لوگوں کو نہیں مل رہا۔ اعجاز خان جازی نے کہا کہ اگر بھارتی جہاز نہ گرتا تو سیشن میں جا کر اپنے حلقے کے لیے آواز بلند کرتا۔
.
.
میرا دو مہینے سے فون بند تھا کیونکہ میں شرمندہ ہوں PTI کےMPA اعجاز خان جازی راولپنڈی کی گفتگو سنیں راجہ بشارت کے کہنے کے باوجود ایک SHO کی تعیناتی کے لیے CPO پانچ لاکھ اور ماہانہ تین لاکھ کتنا بھتہ وصول کرتا ہے ہیلتھ کارڈز نہیں ملے سرکاری ہسپتال میں 400 کی دوائی نہیں ملتی pic.twitter.com/akRcScWa2A— M.Sabir Mehmood Hashmi (@SabirMehmood26) April 2, 2019
کوئی تبصرے نہیں:
ایک تبصرہ شائع کریں