پشاور : حیات آباد پشاور میں دہشتگردوں کیخلاف آپریشن میں 3 دہشتگرد مارے گئے جبکہ آپریشن میں ایک جوان قمر عالم شہید ہوگیا۔
میڈیا رپورٹس کے مطابق پشاور کے علاقے حیات میں جاری دہشتگردوں کےخلاف آپریشن آخری مراحل میں داخل ہوگیا۔ گزشتہ رات پولیس نے حیات آباد فیزسیون کے سیکٹر ٹین کے گھر میں دہشتگردوں کی موجودگی کے خلاف آپریشن شروع کیا جس میں دونوں اطراف سے فائرنگ کا تبادلہ ہوا، فائرنگ کے نتیجے میں 3 دہشتگرد مارے گئے جبکہ اے ٹی ایس کا ایک جوان قمر عالم شہید اور 2 اہلکار ذخمی ہوگئے۔
یہ بھی ضرور پڑھیں : بریکنگ نیوز. میرےمطابق وزارت پٹرولیم کے علاوہ دیگر وزارتوں میں تبدیلی کا امکان نہیں ہے وفاقی وزرا کے قلمدان تبدیل کرنے کی اطلاعات، حامد میر نے نئی خبر دے دی
دوران آپریشن بھاری ہتھیاروں کا استعمال کیا گیا جس کی وجہ سے علاقے میں خوف و ہراس پھیل گیا۔ آپریشن میں پولیس کی مدد کیلئے پاک آرمی کے جوان بھی پہنچ گئے بعد میں کور کمانڈر پشاور شاہین مظہر بھی موقع پر پہنچ گئے اور آپریشن کا معائنہ کیا۔ سی سی پی او کے مطابق آپریشن اس وقت آخری مراحل میں داخل ہوچکا ہے، آپریشن مکمل کرنے میں کچھ وقت اور لگے گا جبکہ اطراف کا ایریا کلیئر کروالیا گیا ہے۔ سی سی پی او قاضی جمیل الرحمان کے مطابق دہشتگرد جس مکان میں موجود ہیں وہاں بالائی منزل میں آپریشن جاری ہے۔
کوئی تبصرے نہیں:
ایک تبصرہ شائع کریں