تحریک انصاف کے متحرک رہنما سردار خطاب اعظم خان نے واہ کینٹ وارڈ نمبر3سے انتخابات میں حصہ لینے کا اعلان کر دیا.ان کا دعوی ہے کہ ان کو متعدد برادریوں اور دھڑوں نے بھرپور حمایت کی یقین دہانی کرادی ہے
ان کا کہنا تھا کہ آنے والے کینٹ بورڈ کے انتخابات میں بھرپور حصہ لونگا، ہمارے بزرگوں نے اس علاقہ کی بلاتفریق خدمت کی انہی کے نقش قدم پر چلتے ہوئے عوامی خدمات کا تسلسل جاری رکھوں گا، . واضح رہے کہ حالیہ ضمنی انتخابات حلقہ این اے63میں منصور حیات خان کی بھرپور انتخابی مہم چلائی اور انکی کامیابی میں بھی بنیادی کردار ادا کیا.
یہ بھی ضرور پڑھیں : " اسسٹنٹ کمشنر ٹیکسلا کا ایکشن ....دو میڈیکل سٹور اور دو ھوٹل سیل
سردار خطاب اعظم خان نے کہا کہ مجھے دوستوں اور متعدد برادریوں کی جانب سے یقین دہانی کرائی گئی ہے،اور اسکا بات کا اظہار کیا گیا ہے کہ میں کینٹ بورڈ واہ کے آمدہ انتخابات میں بھرپور حصہ لوں میں نے دوست احباب سے طویل مشاورت کے بعد واہ کینٹ بورڈ وارڈ نمبر3سے انتخابی عمل میں حصہ لینے کا فیصلہ کیا،انھوں نے کہا کہ اہلیان وارڈ نمبر تین کے عوام کو مسائل کو ترجیح بنیادوں پر حل کرانا اور محنت کشوں کے مسائل کے لئے ہر فورم پر آواز بلند کرنا میری اﺅلین ترجیحات ہیں،موجودہ حکومت عوام کی فلاح و وبہبود کے لئے ترجیح بنیادوں پر کام کر رہی ہے ،وہ دن دور نہیں جب ملک ترقی کی راہ پر گامزن ہوگا اور عوام خوشحال ہونگے۔دوستوں کی محبتوں کا مشکور ہوں انشا اللہ انکی امیدوں پر پورا اترنے کی بھرپور سعی کرونگا،
اسی حلقہ سے پی ٹی آئی کی جانب سے ادریس خان ڈی سی ، راجہ بلال ، شیر احمد عرف شیرا کے علاوہ بھی متعدد کارکنان پر تول رہے ہیں، سردار خطاب اعظم خان ملک تیمور مسعود اکبر کی انتہائی قریبی ساتھیوں میں شامل ہیں
کوئی تبصرے نہیں:
ایک تبصرہ شائع کریں