اقوام متحدہ ،سلامتی کونسل اور عالمی ادارے کشمیر میں بے گناہ لوگوں پر مظالم رکوانے میں کردار ادا کریں ایل او سی پر بلااشتعال فائرنگ قابل مذمت ہے ، بھارت ہماری امن کی خواہش کو کمزوری نہ سمجھے کسی بھی جار حیت کی صورت میں پوری قوم پاک فوج کے شانہ بشانہ کھڑی ہے، سربراہ جمعیت علماء اسلام (ف)
جمعیت علماء اسلام کے سر براہ مولانا فضل الرحمن نے مقبوضہ کشمیر میں بھارتی فوج کی ریاستی دہشت گردی کی شدید مذمت کرتے ہوئے کہا ہے کہ کشمیر میں تاریخ کے بد ترین مظالم پر کوئی درندہ صفت انسان ہی خاموش رہ سکتا ہے ، اقوام متحدہ ،سلامتی کونسل اور عالمی ادارے کشمیر میں بے گناہ لوگوں پر مظالم رکوانے میں کردار ادا کریں انہوں نے کہاکہ مقبوضہ کشمیر میں بے گناہ معصوم شہریوں پر ظلم ستم کی انتہاء ہوچکی ہے لیکن عالمی برادری بھی خاموش تماشائی بنی ہوئی ہے جو قابل مذمت اور قابل افسوس ہے انہوں نے کہاکہ مسلم دنیا کو ان مظالم کو رکوانے کے اپنا کردار ادا کر نا چاہیے انہوں نے کہاکہ پاکستانی پوری قوم اس مشکل گھڑی میں کشمیری عوام کے ساتھ ہے
یہ بھی ضرور پڑھیں :بھارتی جارحیت کیخلاف ہم سب اپنی مسلح افواج کے ساتھ ہیں، مریم نواز
مولانا فضل الرحمن نے کہاکہ بھارتی فوج لائن آف کنٹرول پر کلسٹر بم گرا کر عالمی قوانین کی مسلسل خلاف ورزی کر رہی ہے عالمی ادروں کا اس بات کا نوٹس لینا چاہیے انہوں نے کہاکہ انڈیا یہ ضرور سوچے کے وہ اگر وہ ایٹمی قوت ہے تو پاکستانبھی ایک ایٹمی قوت ہے انہوں نے کہاکہ کشمیر میں بھارت اپنے مظالم پر پردہ ڈالنے کے لیئے الزامات کی سیا ست کر رہاہے اور عالمی دنیاکے سامنے اپنے مظالم کے باجود مظلوم بننے کی کوشش کر رہا ہے انہوں نے کہاکہ بھارت اپنی ہٹ دھرمی چھوڑے اور کشمیری عوام کو ان کا حق دے انہوں نے کہاکہ پاکستانقوم کشمیری عوام کے ساتھ ہے۔
یہ بھی ضرور پڑھیں : بھارت نے لائن آف کنٹرول پر کلسٹر بم کیوں مارے ؟ حامد میر نے اصل وجہ بتادی
کوئی تبصرے نہیں:
ایک تبصرہ شائع کریں