بھارتی ریاست پنجاب نے آزاد کشمیر کی حیثیت تبدیل کرنے کے فیصلے کی مخالفت کردی

چندی گڑھ :  بھارتی ریاست پنجاب نےآزاد کشمیر کی حیثیت تبدیل کرنے کے فیصلے کی مخالفت کردی، بھارتی پنجاب کے وزیراعلی امرندر سنگھ کی جانب سے مودی سرکار کے فیصلے کی شدید مذمت، بھارت کی تاریخ کا سیاہ ترین دن قرار دے دیا۔ تفصیلات کے مطابق بھارتی پنجاب کے وزیراعلیٰ امرندر سنگھ کی جانب سے آزاد کشمیر کی حیثیت تبدیل کرنے کے فیصلے پر شدید ردعمل دیا گیا ہے۔

یہ بھی ضرور پڑھیں : بھارت کی مقبوضہ کشمیر سے متعلق آرٹیکل 370 کی ایک کے سوا تمام شقیں ختم کرنے کا اعلان

امرندر سنگھ  کا کہنا ہے کہ آج بھارت کی تاریخ کا سیاہ ترین دن ہے۔ ہم مودی سرکار کے اس فیصلے کی بھرپور مذمت کرتے ہیں۔ آج بھارت کی جمہوریت کے پرخچے اڑا دیے گئے ہیں۔ اس فیصلے کے مطلب یہ ہے کہ مودی سرکار صدارتی حکم نامے کے ذریعے کسی بھی ریاست کی حیثیت تبدیل کرنے کی کوشش کر سکتی ہے۔