سابق وزیر خزانہ مفتاح اسماعیل کو گرفتار کر لیا گیا

  

   مفتاح اسماعیل کو درخواست ضمانت خارج ہونے پر احاطہ عدالت سے گرفتار کیا گیا

اسلام آباد  : ایل این جی اسکینڈل میںمسلم لیگ ن کے رہنما مفتاح اسماعیل کو گرفتار کر لیا گیا ۔ تفصیلات کے مطابق ایل این جی کیس میں مسلم لیگ ن کے رہنما کی درخواست ضمانت مسترد ہوئی جس پر مفتاح اسماعیل کو احاطہ عدالت سے حراست میں لے لیا گیا ۔ یاد رہے کہ ایل این جی اسکینڈل میں سابق وزیراعظم شاہد خاقان عباسی کی گرفتاری کے بعد نیب کی جانب سے سابق وزیر خزانہ مفتاح اسماعیل کی گرفتاری کا بھی فیصلہ کیا گیا تھا جس کے تحت مفتاح اسماعیل کے وارنٹ گرفتاری جاری کیے گئے تھے۔

ضرور پڑھیں: روایتی مذمت اور قرارداد نہیں بلکہ ٹھوس فیصلے کرنے ہوں گے ، دشمن کو پتا چل سکے ہم نے چوڑیاں نہیں پہنیں: شہبازشریف

جس کے بعد مفتاح اسماعیل نے سندھ ہائیکورٹ سے ضمانت کے لیے رجوع کیا تھا۔ لیگی رہنما مفتاح اسماعیل کی جانب سے حفاظتی ضمانت کے لیے دائر درخواست میں مؤقف اختیار کیا تھا کہ نیب تحقیقات کا سامنا کرنے کو تیار ہوں، نیب کارروائی بدنیتی پر مبنی ہے، گرفتاری کا خدشہ ہے، حفاظتی ضمانت دی جائے

اسی دوران ایل این جی کیس میں پی ایس او کے سابق ایم ڈی عمران الحق کی بھی درخواست ضمانت خارج کر دی گئی ہے اور انہیں بھی احاطہ عدالت سے حراست میں لے لیا گیاہے ۔یاد رہے کہ ایل این جی کیس میں سابق وزیراعظم شاہد خاقان عباسی پہلے ہی نیب کی حراست میں ہیں اور انہوں نے پارلیمنٹ کے مشترکہ اجلاس میں شرکت سے بھی معذرت کر لی تھی